ବଲାଙ୍ଗୀର: ପାଟଣାଗଡ଼ ଉପଖଣ୍ଡ ବେଲପଡା ବ୍ଳକ ଖପ୍ରାଖୋଲ ଥାନା କନ୍ଧେନଝୁଲା ଗ୍ରାମରେ ଜଣେ ମହିଳାଙ୍କ ମୃତ ଦେହ ଉଦ୍ଧାର ହୋଇଛି । ମୃତ ମହିଳା ଜଣଙ୍କ ହେଉଛନ୍ତି ଖପ୍ରାଖୋଲ ଥାନା କନ୍ଧେନଝୁଲା ଗ୍ରାମର ଅଜୁର୍ନ ରାୟଙ୍କ ସ୍ତ୍ରୀ ଚନ୍ଦ୍ରକାନ୍ତି । ଖବର ପାଇବା ପରେ ଖପ୍ରାଖୋଲ ପୁଲିସ, ବେଲପଡା ତହସିଲଦାର ପ୍ରଭାତୀ ପ୍ରଧାନ ଓ ସାଇଣ୍ଟିଫିକ ଟିମ୍ ଘଟଣାସ୍ଥଳରେ ପହଞ୍ଚିଥିଲେ । ମୃତ ମହିଳାଙ୍କ ଭାଇ କେଶବ ବାରିକ ଭଉଣୀଙ୍କୁ ହତ୍ୟା କରାଯାଇଛି ଅଭିଯୋଗ କରିଛନ୍ତି ।
ଅଜୁର୍ନ ରାୟଙ୍କ ପରିବାର ଲୋକେ ମିଶି ତଣ୍ଟିଚିପି ମାରିଦେଇ ଖଟରେ ସୁଆଇ ଆତ୍ମହତ୍ୟା ରୂପ ଦେଉଥିବାର କେଶବ କହିଛନ୍ତି । କେଶବଙ୍କ କହବା କଥା ଅନୁଯାୟୀ ଅର୍ଜୁନଙ୍କ ପରିବାରର ଲୋକେ ମୋ ଭଉଣୀ ନିର୍ଯ୍ୟାତନା ଦେଇ ଆସୁଥିଲେ । ବାରମ୍ବାର ମାରିଦେବୁ ବୋଲି ଧମକ ଦେଉଥିଲେ । ଏଥିପାଇଁ ପୂର୍ବରୁ ଆମେ ଉକ୍ତ ପରିବାରଙ୍କୁ ବୁଝାସୁଝା କରିଥିଲୁ । କିନ୍ତୁ ସେମାନେ ମୋ ଭଉଣୀକୁ ମାରି ଦେଲେ । ତେବେ ମୃତକଙ୍କ ପରିବାର ଲୋକେ ନ୍ୟାୟ ଦାବିରେ ମୃତ ଦେହକୁ ରଖି ରାସ୍ତାରୋକ କରିଥିବା ସୂଚନା ମିଳିଛି । ମୃତ ମହିଳାଙ୍କ ୪ଟି ସନ୍ତାନ ଥିବା ଜଣାପଡ଼ିଛି । ଏନେଇ ଖପ୍ରାଖୋଲ ଥାନା ଅଧିକାରୀ ରମାକାନ୍ତ ସାହୁ ଏକ ମାମଲା ରୁଜ୍ଜୁ କରି ଘଟଣାର ଅଧିକ ତଦନ୍ତ କରୁଥିବା ଜଣାପଡ଼ିଛି ।