ଖଇରା, (ନାଗରାଜ ନ୍ୟୁଜ ): ବାଲେଶ୍ଵର ଜିଲ୍ଲା ସିମୁଳିଆ ଥାନା ଅଡ଼ା ଉଆସ ଗାଁରେ କ୍ଳବ ଘର ଛାତ ଭୁଶୁଡ଼ି ଜଣେ ଶ୍ରମିକ ମୃତ ଅନ୍ୟ ଜଣେ ଗୁରୁତର ଆହତ ହୋଇଛନ୍ତି । ଆଜି ଅଡ଼ା ଗାଁର ସେକ କୁନା ଓ ଭଗବାନ ବେହେରା କ୍ଳବ ଘର ଛାତ ମରାମତି କାର୍ୟ୍ୟ କରୁଥିବା ବେଳେ ଛାତଟି ଭୁଶୁଡ଼ି ପଡିଥିଲା । ଯାହା ଫଳରେ ସ୍ଥାନୀୟ ଲୋକମାନେ ଦୁଇ ଜଣଙ୍କୁ ଉଦ୍ଧାର କରି ସିମୁଳିଆ ମେଡ଼ିକାଲରେ ଭର୍ତ୍ତି କରିଥିଲେ । ସେଠାରେ ତାଙ୍କର ସ୍ୱାସ୍ଥ୍ୟ ଅବସ୍ଥା ଅଧିକ ଗୁରୁତ୍ୱ ହେବାରୁ ତାଙ୍କୁ ଭଦ୍ରକ ମେଡ଼ିକାଲକୁ ସ୍ଥାନାନ୍ତର କରାଯାଇଥିଲା । ଭଗବାନ ବେହେରାଙ୍କର ଭଦ୍ରକ ମେଡ଼ିକାଲରେ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ଘଟିଥିବା ବେଳେ ସେକ କୁନଙ୍କୁ କଟକ ସ୍ଥାନାନ୍ତର କରାଯାଇଛି ।