ସୁନ୍ଦରଗଡ଼, (ନାଗରାଜ ନ୍ୟୁଜ): ସୁନ୍ଦରଗଡ଼ ଜିଲ୍ଲାରେ ତୃତୀୟ ପର୍ଯ୍ୟାୟ ମତଦାନ ଅନୁଷ୍ଠିତ ହେଉଛି । ସୁନ୍ଦରଗଡ଼ ଜିଲ୍ଲାର ରାଜଗାଙ୍ଗପୁର ବ୍ଳକରେ ମଧ୍ୟ ତୃତୀୟ ପର୍ଯ୍ୟାୟ ମତଦାନ ଅନୁଷ୍ଠିତ ହେଉଛି । ଏହି ବ୍ଳକରେ ସମୁଦାୟ ୫୪ଟି ପଞ୍ଚାୟତ ଏବଂ ୧୮୩ଟି ୱାର୍ଡରେ ମତଦାନ ହେଉଛି । ଆମ ପ୍ରତିନିଧି ରାଜଗାଙ୍ଗପୁର ବ୍ଳକ ଅନ୍ତର୍ଗତ ଗର୍ଭନାପଞ୍ଚାୟତର ଜାମପାଲି ପ୍ରାଥମିକ ବିଦ୍ୟାଳୟକୁ ଯାଇ ପହଞ୍ଚିଥିଲେ । ମତଦାନ କେନ୍ଦ୍ରରେ ଲମ୍ବା ଧାଡ଼ି ଲାଗିଥିବାର ଦେଖିବାକୁ ମିଳିଥିଲା । ମତଦାତାଙ୍କୁ ଏହି ସମ୍ପର୍କରେ ପଚାରିବାରୁ ଯିଏ ପଞ୍ଚାୟତର ଉନ୍ନତି କରିବ ଏବଂ ଆମ ସୁଖ ଦୁଃଖରେ ସାଥି ହେବ ସେହି ଜଣଙ୍କୁ ଭୋଟ ଦେବୁ ବୋଲି କହିଥିଲେ ଭୋଟର ।