ନୂଆଦିଲ୍ଲୀ, : ୟୁକ୍ରେନ ଉପରେ ଆକ୍ରମଣ କରିବାକୁ ଯୋଜନା ପ୍ରସ୍ତୁତ କରୁଛି ଋଷ । ପାଶ୍ଚାତ୍ୟ ଦେଶର ଧମକ ସତ୍ତେ୍ୱ ମଧ୍ୟ ପଛକୁ ହଟୁନି ଋଷ । ଏହାରି ମଧ୍ୟରେ ଆମେରିକା ମଧ୍ୟ କଡ଼ା ଆଭିମୁଖ୍ୟ ଗ୍ରହଣ କରିଛି । ରାଷ୍ଟ୍ରପତି ଜୋ ବାଇଡେନ ମଙ୍ଗଳବାର ରାତି ୧୨:୩୦ ରେ ଦେଶବାସୀଙ୍କୁ ସମ୍ବୋଧିତ କରିବାବେଳେ ଋଷ ଉପରେ କ୍ରୋଦ୍ଧ ପ୍ରକାଶ କରିଛନ୍ତି । ଜୋ ବାଇଡେନ କହିଛନ୍ତିଯେ, ପୁଟିନଙ୍କୁ ତାଙ୍କ ପଡ଼ୋଶୀ ଅଞ୍ଚଳରେ ଏକ ନୂତନ ତଥାକଥିତ ‘ଦେଶ’ ଘୋଷଣା କରିବାର ଅଧିକାର କିଏ ଦେଇଥାଏ? ସେ କହିଛନ୍ତି ଯେ ଏହା ୟୁକ୍ରେନ ଉପରେ ଋଷର ଆକ୍ରମଣର ଆରମ୍ଭ । ଜୋ ବାଇଡେନ ଏହା ମଧ୍ୟ କହିଛନ୍ତିଯେ, ‘ଋଷର କାର୍ୟ୍ୟ ହେଉଛି ଆନ୍ତର୍ଜାତୀୟ ନିୟମର ଉଲ୍ଲଂଘନ । ପାଶ୍ଚାତ୍ୟ ଦେଶମାନଙ୍କରୁ ଋଷର ସହାୟତା ଉପରେ ମଧ୍ୟ ପ୍ରତିବନ୍ଧକ ଲଗାଯାଇଛି । ଆମେ ଦୁଇଟି ବଡ ଆର୍ଥିକ ପ୍ରତିଷ୍ଠାନ ଭିଇବି ଏବଂ ଋଷର ମିଲିଟାରୀ ବ୍ୟାଙ୍କ ଉପରେ କଟକଣା ଲାଗୁ କରୁଛୁ । ଋଷର ସାର୍ବଭୌମ୍ୱ ଋଣ ଉପରେ କଟକଣା ଲାଗୁ କରାଯାଇଛି । ବାଇଡେନ କହିଛନ୍ତି, ମୁଁ ଆଶା କରୁଛି କୂଟନୈତିକ ବର୍ତ୍ତମାନ ଉପଲବ୍ଧ । ପୂର୍ବ ପଦକ୍ଷେପ ଅପେକ୍ଷା ଋଷ ଉପରେ ଅଧିକ ପ୍ରତିବନ୍ଧକ ଲାଗୁ କରାଯିବ । ଏହି ପ୍ରତିବନ୍ଧକ ଋଷକୁ ପାଶ୍ଚାତ୍ୟ ପାଣ୍ଠିରୁ ବାଦ ଦେବ । ଋଷର ଅଭିଜିତ ଶ୍ରେଣୀ ଉପରେ ମଧ୍ୟ କଟକଣା ଲାଗୁ କରାଯିବ ।
ଆମେରିକାର ରାଷ୍ଟ୍ରପତି କହିଛନ୍ତିଯେ, ଋଷ ସହିତ ଲଢ଼ିବା ପାଇଁ ଆମର ଉଦ୍ଦେଶ୍ୟ ନାହିଁ, କିନ୍ତୁ ନାଟୋର ପ୍ରତ୍ୟେକ ଇଞ୍ଚକୁ ରକ୍ଷା କରିବୁ ।’ ଆମେରିକାର ରାଷ୍ଟ୍ରପତି କହିଛନ୍ତିଯେ ୟୁକ୍ରେନର ରାଷ୍ଟ୍ରପତି ଜେଲେନସ୍କିଙ୍କ ସମେତ ୟୁରୋପୀୟ ନେତାଙ୍କ ସହ ଆମେ ନିରନ୍ତର ଯୋଗାଯୋଗରେ ଅଛୁ । ଆମେରିକା ଏବଂ ଏହାର ସହଯୋଗୀମାନେ ଏକାଠି କାମ କରୁଛନ୍ତି । ୟୁକ୍ରେନକୁ ସମର୍ଥନ କରିବାକୁ ଆମେ ଏକଜୁଟ ହୋଇଛୁ । ପୁଟିନଙ୍କୁ ସମାଲୋଚନା କରି ବାଇଡେନ୍ କହିଛନ୍ତଯେ, ପୁଟିନ ନିଜର ବଳ ଦେଖାଇ ଅଧିକ ଅଞ୍ଚଳ ଦଖଲ କରିବାକୁ ଚାହୁଁଛନ୍ତି । ୟୁକ୍ରେନ୍ ଦେଶକୁ ଅଲଗା ଅଲଗା କରି ନୂଆ ସ୍ୱାଧୀନ ରାଷ୍ଟ୍ରର ମାନ୍ୟତା ଦେବା ଅନ୍ତର୍ଜାତୀୟ ଆଇନର ଉଲ୍ଲଂଘନ । ଋଷ ଯେତେ ଆଗକୁ ବଢ଼ିବ ତା’ଉପରେ କଟକଣା ଆହୁରି ଲାଗୁ କରାଯିବ । ଋଷ ୟୁକ୍ରେନ ଚାରିପାଖରେ ସେନା ମୁତୟନ କରି ରଖିଛି । ତେଣୁ ଆମେ ୟୁକ୍ରେନକୁ ପୂର୍ଣ୍ଣ ସମର୍ଥନ କରିବୁ । ସମସ୍ତେ ମିଶି ଋଷକୁ ଉଚିତ ଜବାବ ଦେବୁ । ୟୁକ୍ରେନ୍ ବିବାଦ ଚରମ ସୀମାରେ ପହଞ୍ଚିବା ପରେ ଋଷ ଉପରେ ପ୍ରତିବନ୍ଧକ ଲଗାଇବା ଆରମ୍ଭ କରିଛନ୍ତି ଜର୍ମାନୀ ଓ ବ୍ରିଟେନ୍ । ଜର୍ମାନୀ ନର୍ଡ ଷ୍ଟ୍ରୀମ ୨ ଗେସ୍ ପାଇପ୍ଲାଇନକୁ ସାର୍ଟିଫିକେସନ ପ୍ରକ୍ରିୟା ରୋକିବା ଦିଗରେ କାର୍ୟ୍ୟ ଆରମ୍ଭ କରିଦେଇଛି । ଋଷ ପାଇଁ ଏହି ଡିଲ୍ ଲାଭକାରୀ ଥିଲା । ସେପଟେ ବ୍ରିଟେନ ମଧ୍ୟ ଋଷ ଉପରେ କଟକଣା ଲଗାଇଛି । ବ୍ରିଟେନ୍ ପ୍ରଧାନମନ୍ତ୍ରୀ ବୋରିଶ ଜନସନ କହିଛନ୍ତି “ ବ୍ରିଟେନ୍ ୫ଟି ଋଷ ବ୍ୟାଙ୍କ , ତିନି ଶିଳ୍ପପତିଙ୍କ ଉପରେ ପ୍ରତିବନ୍ଧକ ଲଗାଇବ । ”