ସୁନ୍ଦରଗଡ଼,(ନାଗରାଜ ନ୍ୟୁଜ): ସୁନ୍ଦରଗଡ଼ ଜିଲ୍ଲାର ରାଜଗାଙ୍ଗପୁର ପୋଲିସକୁ ଆଜି ଆଉ ଏକ ସଫଳତା ମିଳିଛି । ୧୦ ଗ୍ରାମ ୬୦୦ମିଲିଗ୍ରାମ ବ୍ରାଉନୁସୁଗାର ଜବତ ସହିତ ୮୭୦୦ ନଗଦ ଟଙ୍କା,୭ଟି ମୋବାଇଲ ଫୋନ, ଦୁଇଟି ମୋଟର ସାଇକେଲ ଜବତ କରିବା ସହିତ ୫ଜଣକୁ ଗିରଫ କରି କୋର୍ଟ ଚାଲାଣ କରିଛି। ସୁଚନା ଯୋଗ୍ୟ ଯେ, ରାଜଗାଙ୍ଗପୁର ପୋଲିସ କୁ ଯେତିକି ସଫଳତା ମିଳୁଛି, ଚୋରି, ଡକାୟତି, ତଥା ଡ୍ରଗ ମାଫିଆ ମାନେ ସତିକି ସକ୍ରିୟ ହେଉଛନ୍ତି। ପୋଲିସ ଡାଲେଡାଲେ ଗଲେ ସେମାନେ ପତ୍ରେପତ୍ରେ ଯାଉଛନ୍ତି। କହିବାକୁ ଗଲେ ରାଜଗାଙ୍ଗପୁର ପୋଲିସ କୁ ସେମାନେ ଖୋଲା ଚାଲେଞ୍ଜ ଦେଉଛନ୍ତି। ଅନ୍ୟ ପକ୍ଷରେ ପୋଲିସ ମଧ୍ୟ ସେମାନଙ୍କ ଚାଲେଞ୍ଜ କୁ ନେଇ ସହରକୁ ଅପରାଧମୁକ୍ତ କରିବାପାଇଁ ଦିନ ରାତି ଏକକରି ବିଭିନ୍ନ ସ୍ଥାନରେ ବାରମ୍ବାର ଚଢ଼ାଉ କରି ବହୁ ଚୋରି ଡକାୟତି ର ପର୍ଦ୍ଦାଫାଶ କରି ବହୁ ଗଞ୍ଜେଇ ତଥା ଡ୍ରଗ ମାଫିଆଙ୍କ ସହିତ ବହୁ ଅପରାଧିଙ୍କୁ ପ୍ରତିଦିନ ଜେଲ୍ ହାଜତକୁ ପଠାଉଛନ୍ତି । ରାଜଗାଙ୍ଗପୁର ପୋଲିସ ର ଘନଘନସଫଳତା କୁ ସହରବାସୀ ଭୂୟସୀ ପ୍ରଶଂସା କରୁଛନ୍ତି ।
ସୁନ୍ଦରଗଡ଼ରୁ ଦଶରଥ ପୋଡ଼ଙ୍କ ରିପୋର୍ଟ