ମୁମ୍ବାଇ,(ନାଗରାଜ ନ୍ୟୁଜ): ହିନ୍ଦୀ ସିନେମାର ପ୍ରସିଦ୍ଧ ନିର୍ଦ୍ଦେଶକ ରୋହିତ ଶେଟ୍ଟୀ ତାଙ୍କର ନିଆରା ଅନ୍ଦାଜ ପାଇଁ ଜଣାଶୁଣା । ନିକଟରେ ସେ ଅଭିନେତା ଅଜୟ ଦେବଗନଙ୍କ ସହ ଆଗାମୀ ଫିଲ୍ମ ‘ ସିଙ୍ଘମ୍-୩’ର ଘୋଷଣା କରିଥିଲେ । ଏବେ ସେ ତାଙ୍କର ଗୋଲମାଲ ଫ୍ରାଞ୍ଚାଇଜ’ର ପରବର୍ତ୍ତୀ ଚଳଚ୍ଚିତ୍ର ବିଷୟରେ ସୂଚନା ଦେଇଛନ୍ତି । ମିଡିଆ ରିପୋର୍ଟ ଅନୁଯାୟୀ, ଅଜୟ ଦେବଗନଙ୍କ ସହ ସେ ପୁଣି ଥରେ ‘ଗୋଲମାଲ’ ‘କରିବେ ବୋଲି ନିଶ୍ଚିତ କରିଛନ୍ତି ।
ଏକ ସାକ୍ଷାତକାରରେ ରୋହିତ ନିଶ୍ଚିତ କରିଛନ୍ତି ଯେ ‘ଗୋଲମାଲ’ ପ୍ରସ୍ତୁତ ହେବ । ସେ କହିଛନ୍ତିଯେ ‘ଗୋଲମାଲ୍’ ସିଙ୍ଘମ ପରେ କିମ୍ବା ହୁଏତ ଆଉ ବର୍ଷ ପରେ ଆରମ୍ଭ ହୋଇପାରେ । ରୋହିତଙ୍କ କହିବା ଅନୁସାରେ, ସେ ‘ଗୋଲମାଲ’ ପ୍ରସ୍ତୁତ କରିବାକୁ ବହୁତ ମଜା ଆସେ । ସେ ଯେତେଦିନ ପର୍ଯ୍ୟନ୍ତ ଅଛନ୍ତି ସେ ଯାଏଁ ଚଳଚ୍ଚିତ୍ର ନିର୍ମାଣ ଜାରି ରଖିବେ । ରୋହିତ ସେୟାର କରି କହିଥିଲେ କରୋନା କାରଣରୁ ‘ଗୋଲମାଲ’ ନିର୍ମାଣରେ ବିଳମ୍ବ ହୋଇଛି । ବର୍ତ୍ତମାନ ସବୁ ଠିକ୍ ଅଛି। ଆମେ ଖୁବ୍ ଶୀଘ୍ର ‘ଗୋଲମାଲ୍’ କାମ ଆରମ୍ଭ କରିବାକୁ ଆଶା କରୁଛୁ ।