ସୁନ୍ଦରଗଡ଼,(ନାଗରାଜ ନ୍ୟୁଜ): ସୁନ୍ଦରଗଡ଼ ଜିଲ୍ଲା ର ରାଜଗାଙ୍ଗପୁର ରେଲୱେ ପୋଲିସ ଆଜି ୯କେଜି ଗଞ୍ଜେଇ ଜବତ କରିବାସହିତ ଜଣେ ଅଭିଯୁକ୍ତ କୁ ଗିରଫ କରି ସୁନ୍ଦରଗଡ଼ ଅବକାରୀ ବିଭାଗ କୁ ହସ୍ତାନ୍ତର କରିଛନ୍ତି। ମିଳିଥିବା ସୂଚନା ଅନୁସାରେ ଆଜି ରାଜଗାଙ୍ଗପୁର ରେଲୱେ ଥାନା ଅଧିକାରୀ RN Yadav, ASI G.kumar ଏବଂ କନେଷ୍ଟବଳ ପବନ କୁମାର ମାଦକ ଦ୍ରବ୍ୟ ଚୋରାଚାଲାଣ ହେଉଥିବା ର ଗୁପ୍ତ ସୂଚନା ପାଇ ରେଲୱେ ଷ୍ଟେସନ ତଥା ଆଖପାଖ ଅଂଚଳରେ ତୀକ୍ଷ୍ଣ ନଜର ରଖିଥିଲେ। ଦିନ ୧୨ଟା ପାଖାପାଖି ରେ ଜଣେ ବ୍ୟକ୍ତି ଗୋଟିଏ ବ୍ୟାଗଧରି ଷ୍ଟେସନ ପରିସରରେ ସନ୍ଦିଗ୍ଧ ଅବସ୍ଥା ରେ ବୁଲୁଥିବା ଦେଖିବାକୁ ପାଇଥିଲେ। ପରେ ତାଙ୍କୁ ଥାନା କୁ ନେଇ ପଚରାଉଚରା କରିବାରୁ ତା ନିକଟରୁ ୯କେଜି ଗଞ୍ଜେଇ ମିଳିଥିଲା। ରେଲୱେ ପୋଲିସ ଗଞ୍ଜେଇ କୁ ଜବଦ୍ କରିବା ସହିତ ଅଭିଯୁକ୍ତକୁ ଗିରଫ କରି ସୁନ୍ଦରଗଡ଼ ଅବକାରୀ ବିଭାଗ କୁ ହସ୍ତାନ୍ତର କରିଛନ୍ତି। ଅଭିଯୁକ୍ତ ଜଣକ ମଧ୍ୟପ୍ରଦେଶର ଦିତିୟା ଜିଲ୍ଲା ଅଧିନରେ ଥିବା ଥିରାଟ ଥାନା ଅନ୍ତର୍ଗତ ସେବଗାନ ଗ୍ରାମର ସୋବଗାନ କୁଶବାହ ବୋଲି ଜଣାପଡିଛି ।
ସୁନ୍ଦରଗଡ଼ରୁ ଦଶରଥ ପୋଡ଼ଙ୍କ ରିପୋର୍ଟ