ଭୁବନେଶ୍ୱର: ୨୧ରୁ ଅନଲାଇନରେ ମିଳିବ ଆଡମିଟ କାର୍ଡ । ସୂଚନା ଅନୁଯାୟୀ ଜୁଲାଇ ୭ ତାରିଖ ସୁଦ୍ଧା ଛାତ୍ରଛାତ୍ରୀଙ୍କୁ ପ୍ରାକ୍ଟିକାଲ୍ ରେକର୍ଡ ଦାଖଲ କରିବା ପାଇଁ ସମୟ ଦିଆଯାଇଛି । ଛାତ୍ରଛାତ୍ରୀଙ୍କ ଆଡମିଟ୍କାର୍ଡ ଗତ ୨୧ରୁ ଜୁନିୟର୍ କଲେଜଗୁଡିକୁ ପଠାଯାଇଛି । ଯେଉଁମାନେ କଲେଜ ଆସିପାରିବେ ନାହିଁ, ସେମାନେ ଶୁକ୍ରବାରଠୁ ଅନଲାଇନ୍ରେ ସାମସ ୱେବସାଇଟ୍ରୁ ଆଡମିଟ କାର୍ଡ ଡାଉନଲୋଡ୍ କରିପାରିବେ ।
ଏହାସହ ଯୁକ୍ତ ଦୁଇ ରେଜଲ୍ଟ ଜୁଲାଇ ଶେଷ ସୁଦ୍ଧା ପ୍ରକାଶ କରାଯାଉ ବୋଲି ଗୁରୁବାର ସୁପ୍ରିମକୋର୍ଟଙ୍କ ଏଭଳି ନିର୍ଦ୍ଦେଶ ପରେ ଉଚ୍ଚ ମାଧ୍ୟମିକ ଶିକ୍ଷା ପରିଷଦ (ସିଏଚ୍ଏସ୍ଇ) ପକ୍ଷରୁ ତତ୍ପରତା ପ୍ରକାଶ ପାଇଛି । ହଠାତ ଏଭଳି ନିର୍ଦ୍ଦେଶ ପାଇ ଏ ସମ୍ପର୍କରେ ଏକ ଉଚ୍ଚ ସ୍ତରୀୟ ବୈଠକ କରାଯାଇଛି। କିଭଳି ସମୟ ଅନୁସାରେ ଫଳ ପ୍ରକାଶ କରିହେବ, ସେନେଇ ବ୍ୟାପକ ଆଲୋଚନା କରାଯାଇଥିବା ପରିଷଦର ଜଣେ ବରିଷ୍ଠ ଅଧିକାରୀ ସୂଚନା ଦେଇଛନ୍ତି ।