ନୂଆଦିଲ୍ଲୀ: ରାଜ୍ୟରେ କରୋନାର ଦ୍ଵିତୀୟ ଲହରରୁ ସାମାନ୍ୟ ଆସ୍ୱସ୍ଥି ମିଳିଥିବାବେଳେ ତୃତୀୟ ଲହର ଚିନ୍ତା ବଢିଇବାରେ ଲାଗିଛି । ତେଣୁ ଏହାର ଜୋରଦାର ମୁକାବିଲା ଲାଗି କୋଭିଡ ପ୍ରଭାବିତ ୬ଟି ରାଜ୍ୟକୁ କେନ୍ଦ୍ରୀୟ ଟିମ ଯିବ ବୋଲି ସୂଚନା ମିଳିଛି ।
ତେବେ ଉକ୍ତ ୬ଟି ରାଜ୍ୟ ମଧ୍ୟରୁ ଓଡ଼ିଶା ସମେତ କେରଳ, ଅରୁଣାଚଳ ପ୍ରଦେଶ, ତ୍ରିପୁରା, ଛତିଶଗଡ଼ ଓ ମଣିପୁର ମଧ୍ୟ ଉକ୍ତ ଟିମ ଗସ୍ତ କରିବାର କାର୍ଯ୍ୟକ୍ରମ ରହିଛି । କୋଭିଡ ନିୟନ୍ତ୍ରଣ ଓ କଣ୍ଟେନମେଣ୍ଟ ଜୋନ ଅନୁଧ୍ୟାନ ପାଇଁ ଉକ୍ତ ଟିମ ଯିବ ବୋଲି ଜଣାଯାଇଛି । ହସ୍ପିଟାଲ ବେଡ, ଭେଣ୍ଟିଲେଟର ଓ ଅକ୍ସିଜେନ ମଧ୍ୟ ଉକ୍ତ ଟିମ ତଦାରଖ କରିବ । ଟିକାକରଣ କେତେ ଆଗେଇଛି ତାହାର ମଧ୍ୟ ଉକ୍ତ ଟିମ ଅନୁଧ୍ୟାନ କରିବେ । ତେବେ ଉକ୍ତ ଟିମରେ ଓଡ଼ିଶା ଦାୟିତ୍ୱରେ ପବ୍ଲିକ ହେଲଥ ସ୍ପେଶାଲିଷ୍ଟ ଏଆଇଆଇଏଚ ଆଣ୍ଡ ପିଏଚ ଡା. ଏ ଡାନ ଥିବା ଜଣାଯାଇଛି ।