ପୁରୀ: ବିଶ୍ବପ୍ରସିଦ୍ଧ ରଥଯାତ୍ରା ପୂର୍ବରୁ ଶ୍ରୀମନ୍ଦିରର ଦେବଦାସୀଙ୍କ ଦେହାନ୍ତ ହୋଇଛି । ବାର୍ଦ୍ଧକ୍ୟ ଜନିତ ରୋଗରେ ପୀଡିତ ହୋଇ ଦେବଦାସୀ ପରଶମଣି ଶ୍ରୀଜିଉଙ୍କ ରଥାରୂଢ ପୂର୍ବରୁ ଶେଷ ନିଶ୍ଵାସ ତ୍ୟାଗ କରିଛନ୍ତି । ଦୀର୍ଘଦିନ ଧରି ମାଜଣା ମଣ୍ଡପରେ ପରଶମଣି ସଂଗୀତ ପରିବେଷଣ କରୁଥିଲେ ।
ଅନ୍ୟପକ୍ଷରେ ଆସନ୍ତା ୧୨ ତାରିଖରେ ରଥଯାତ୍ରା । ତିନି ରଥର ନିର୍ମାଣ କାର୍ଯ୍ୟ ଆଜି ଶେଷ ହୋଇଛି । ୩ରଥରେ ଭୋଇ ଓ ମହାରଣା ସେବକମାନଙ୍କ ଦ୍ୱାରା ପ୍ରଭା ଲଗାଯିବା କାର୍ଯ୍ୟ ସମ୍ପନ୍ନ ହୋଇଥିବା ବେଳେ ତିନି ରଥର ଦୁଆର ବେଢ଼ାରେ କନା ପଡ଼ିବା ଶେଷ ହୋଇ ଦୁଆର ବେଢ଼ାରେ ଲାଗିଥିବା ମଦର ବତାଗୁଡ଼ିକରେ ମଗରପଟି ପଡ଼ିବା ଶେଷ ହୋଇଛି ।