ଭୂବନେଶ୍ବର: ନନ୍ଦନକାନନ ପ୍ରାଣୀ ଉଦ୍ୟାନର ୬ ବର୍ଷ ବୟସର ଏସୀୟ ସିଂହୀ ବିଜଲି ପ୍ରଥମ ଗର୍ଭରୁ ୩ଟି ଶାବକଙ୍କୁ ଜନ୍ମ ଦେଇଛି। ଏସୀୟ ସିଂହ ସମ୍ରାଟ ଔରଷରୁ ଶାବକମାନେ ଜନ୍ମ ଲାଭ କରିଛନ୍ତି। ସିସିଟିଭି ଦୃଶ୍ୟ ଜାରି କରି ସୂଚନା ଦେଇଛନ୍ତି ନନ୍ଦନକାନନ ଉପନିର୍ଦ୍ଦେଶକ ଡକ୍ଟର ସଂଜିତ କୁମାର । ଶାବକ ମାନଙ୍କର ଲିଙ୍ଗ ଚିହ୍ନଟ ହୋଇପାରିନାହିଁ। ନନ୍ଦନକାନନର ଏସୀୟ ସିଂହ ସଂଖ୍ୟା ୧୦କୁ ବୃଦ୍ଧି ହୋଇଛି। ଏହା ମଧ୍ୟରେ ୪ ସିଂହ, ୩ ସିଂହୀ ଓ ଲିଙ୍ଗ ଚିହ୍ନଟ ହୋଇ ନଥିବା ଛୁଆ ୩ଟି ଅଛନ୍ତି । ଏଥିସହିତ ୭ଟି ଆଫ୍ରିକୀୟ ଓ ୨ଟି ବର୍ଣ୍ଣସଂଙ୍କର ବା ହାଇବ୍ରିଡଙ୍କୁ ମିଶାଇ ନନ୍ଦନକାନନର ମୋଟ ସିଂହ ସଂଖ୍ୟା ୧୯କୁ ବୃଦ୍ଧି ହୋଇଛି।