ଭୂବନେଶ୍ବର: କଲେଜ ଓ ବିଶ୍ୱବିଦ୍ୟାଳୟ ସମେତ ବିଭିନ୍ନ ଉଚ୍ଚ ଶିକ୍ଷାନୁଷ୍ଠାନଗୁଡିକ ଖୋଲିବା ନେଇ ଏକ ଗୁରୁତ୍ୱପୂର୍ଣ୍ଣ ବୈଠକ ବସିବ । ଯାହା ଫଳରେ କେବେ ଶିକ୍ଷାନୁଷ୍ଠାନ ଖୋଲିବ ଏନେଇ ସମସ୍ତ ସୂଚନା ମିଳିପାରେ ଅନୁମାନ କରାଯାଉଛି । ଶିକ୍ଷାନୁଷ୍ଠାନ ଖୋଲିଲେ ବି ୟୁଜି ଓ ପିଜି ଶେଷ ବର୍ଷର ପିଲାଙ୍କ ପରୀକ୍ଷା ଅନଲାଇନ୍ରେ ହେବ ।
ସୂଚନା ଅନୁସାରେ ପ୍ରଥମରୁ ଅଷ୍ଟମ ଓ ଏକାଦଶ ଖୋଲିବା ନେଇ ମଧ୍ୟ ବିଦ୍ୟାଳୟ ଓ ଗଣଶିକ୍ଷା ବିଭାଗ ତର୍ଜମା କରୁଛି । ତେବେ ଏହାରି ଭିତରେ ଆସନ୍ତା ୧୬ରୁ ନବମ ଶ୍ରେଣୀ କ୍ଲାସ୍ରୁମ୍ ପାଠପଢ଼ା ହେବାକୁ ନିଷ୍ପତ୍ତି ହୋଇଛି ବୋଲି ବିଭାଗୀୟ ମନ୍ତ୍ରୀ ସମୀର ରଞ୍ଜନ ଦାଶ ପୁର୍ବରୁ କହିଥିଲେ । ସେହିପରି ବୈଷୟିକ ଓ ବୃତ୍ତିଗତ ଶିକ୍ଷାନୁଷ୍ଠାନ ଖୋଲିବା ନେଇ ମଧ୍ୟ ବିଭାଗୀୟ ଅଧିକାରୀ ଆଲୋଚନା ଜାରି ରଖିଛନ୍ତି