ଭୂବନେଶ୍ବର: କରୋନା ସଂକ୍ରମଣ ହ୍ରାସ ହେତୁ ରାଜ୍ୟରେ ଧିରେ ଧିରେ ସବୁକିଛି ସ୍ବାଭାବିକ ହେବାରେ ଲାଗିଛି । ଅଗଷ୍ଟ ୧ରୁ ରାଜ୍ୟ ସରକାର ଅନଲକ୍ ପର୍ଯ୍ୟାୟ ଆରମ୍ଭ କରିଛନ୍ତି । ଆଜିଠାରୁ ରାଜ୍ୟବ୍ୟାପୀ ସିନେମା ହଲ ଖୋଲିବ । କୋଭିଡ୍ କଟକଣା ମଧ୍ୟରେ ପୁରା ରାଜ୍ୟରେ ଆଜିଠାରୁ ଦର୍ଶକ ମାନଙ୍କ ପାଇଁ ସିନେମା ହଲ ଖୋଲିଛି । ଅନଲକ ପର୍ଯ୍ୟାୟରେ ସପିଙ୍ଗ ମଲ, ସିନେମା ହଲ ଓ ପାର୍କ ଆଦି ଖୋଲିବାକୁ ଅନୁମତି ରହିଥିବା ବେଳେ ପୂର୍ବରୁ ସପିଙ୍ଗ ମଲ ଓ ପାର୍କ ଖୋଲିଥିଲା ।
ତେବେ ୫୦ ପ୍ରତିଶତ ଦର୍ଶକଙ୍କୁ ନେଇ ରାଜ୍ୟରେ ସିନେମା ହଲ ଖୋଲିବାକୁ ଅନୁମତି ରହିଛି । ଏହା ସହିତ ୬୫ ବର୍ଷରୁ ଉର୍ଦ୍ଧ୍ୱ ବୟସ୍କ ଓ ଛୋଟ ପିଲାଙ୍କ ପ୍ରବେଶ ଉପରେ କଟକଣା ରହିଛି । ପ୍ରାପ୍ତ ବୟସ୍କ ବ୍ୟକ୍ତିମାନେ କରୋନା ଟୀକାର ଦ୍ୱିତୀୟ ଡୋଜ୍ ନେଇଥିବାର ପ୍ରମାଣପତ୍ର ଦେଖାଇ ହଲ ଭିତରକୁ ଯାଇପାରିବେ ।