ବାଲେଶ୍ବର, (ନରେନ୍ଦ୍ର ପ୍ରସାଦ ବେହେରା): ବାଲେଶ୍ବର ଜିଲ୍ଲା ସିମୁଳିଆ ବ୍ଲକ ବ୍ରାହ୍ମଣଗାଁ ସରକାରୀ ଉଚ୍ଚ ବିଦ୍ୟାଳୟ ପରିସରରେ ମୋ ସ୍କୁଲ ଅଭିଯାନର ପ୍ରଥମ ପ୍ରକଳ୍ପର ଆଜି ଶୁଭ ଉଦଘାଟନ ହୋଇଯାଇଛି । ପ୍ରଧାନ ଶିକ୍ଷକ ରତ୍ନାକର ମହାଳିକଙ୍କ ତତ୍ତ୍ୱାବଧାନରେ ପୁରାତନ ଛାତ୍ର ତଥା ଅବସରପ୍ରାପ୍ତ ସରକାରୀ ଯନ୍ତ୍ରୀ ରାମଚନ୍ଦ୍ର ଜେନା ଫିତାକାଟି ବିଶୁଦ୍ଧ ଥଣ୍ଡା ପାନୀୟ ଜଳ ପ୍ରକଳ୍ପକୁ ଉଦଘାଟନ କରିଥିଲେ । ଶିକ୍ଷକ ଶରତ ଚନ୍ଦ୍ର ସାହୁଙ୍କ ସମେତ ବିଦ୍ଯାଳୟର ପୁରାତନ ଛାତ୍ର ତଥା ସମାଜସେବୀ ସରୋଜ ପାଣିଗ୍ରାହୀ ଏବଂ ମହେଶ୍ୱର ବେହେରା, ଜଗବନ୍ଧୁ ପତି, ସତ୍ଯନାରାୟଣ ସାହୁ, ଲମ୍ବୋଦର ବେହେରା, ଦୁର୍ଗାମାଧବ ପାଢ଼ୀ ପ୍ରମୁଖ ଯୋଗଦେଇ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ ।