ଢେଙ୍କାନାଳ, (ସୌମ୍ୟ ରଞ୍ଜନ ମହାନ୍ତି): ଆୟ ବର୍ହିଭୂତ ସମ୍ପତ୍ତି ଠୁଳ ଅଭିଯୋଗରେ ଢେଙ୍କାନାଳ ଜିଲ୍ଲା ଭୁବନ ବ୍ଲକ ଦୀଘୀ ଓ ମଠକରଗୋଳା ପଞ୍ଚାୟତର ପିଇଓ ସନ୍ତୋଷ ସାହୁଙ୍କ ଘରେ ରେଡ୍ କରିଛି ଭିଜିଲାନ୍ସ ଟିମ୍ । ଗୋଟିଏ ନୁହେଁ ବରଂ ଏକକାଳିନ ଭାବେ ୩ଟି ସ୍ଥାନରେ ଚଢ଼ାଉ କରିଛି ଭିଜିଲାନ୍ସ ଟିମ ।
ସୂଚନା ଅନୁଯାୟୀ ଦୀର୍ଘବର୍ଷ ଧରି ଦିଘୀ ପଞ୍ଚାୟତରେ ରହି କାର୍ଯ୍ୟ କରୁଥିବା ପିଇଓ ସନ୍ତୋଷଙ୍କ ଘରେ ଆଜି ଅତର୍କିତ ଭାବେ ଭିଜିଲାନ୍ସ ବିଭାଗର ଡିଏସପି ଅନିରୁଦ୍ଧ ନାୟକଙ୍କ ନେତୃତ୍ୱରେ ୭ ଜଣ ଇନିସପେକ୍ଟର ଓ ଅନ୍ୟ କର୍ମଚାରୀ ଚଢାଉ କରିଛନ୍ତି । ଚଢ଼ାଉ ବେଳେ ବହୁ ଗୁରୁତ୍ୱପୂର୍ଣ୍ଣ କାଗଜପତ୍ର ଜବତ କରିବା ସହ କାମାକ୍ଷାନଗରରେ ଦୁଇଟି ସିଙ୍ଗିଲ ଷ୍ଟୋରେଜ କୋଠା ଓ ଗୋଟିଏ ତିନି ମହଲା ଥିବା କୋଠା ଏହାସହ ଏକ କୋଟି ଟଙ୍କାର ସମ୍ପତ୍ତି ମିଳିଥିବାର ସୂଚନା ମିଳିଛି ।
ତେବେ ଗତ ମାସରେ ସୁରପ୍ରତାପପୁର ପିଇଓ ସ୍ବୟଂଦିପ୍ ସାହୁ ଖୁଲମଖୁଲା ଟଙ୍କା ନେଉଥିବା ସମୟରେ ଗଣମାଧ୍ୟମ ହାତରେ ଧରାପଡ଼ିଥିବା ବେଳେ ଆଜି ଦିଘୀ ଓ ମଠକରଗୋଳାର ପିଇଓ ସନ୍ତୋଷ ସାହୁଙ୍କ ଘରେ ଆଜି ଭିଜିଲାନ୍ସ ଟିମ ଚଢ଼ାଉ କରିଥିଲେ ।