କଟକ: ସ୍ୱାଧୀନତା ଦିବସରେ ଆୟୋଜିତ ସ୍ୱତନ୍ତ୍ର କାର୍ଯ୍ୟକ୍ରମରେ ସଫଳ ପୋଲିସ ଅଧିକାରୀ ଏବଂ କର୍ମଚାରୀମାନଙ୍କୁ ଡିଜିପି ପଦକ ମିଳିବ । ଓଡ଼ିଶା ପୋଲିସ ବାହିନୀରେ ଉଲ୍ଲେଖନୀୟ କାର୍ଯ୍ୟ କରିଥିବା ୩ ଜଣ ଆଇପିଏସ୍ ଅଫିସରଙ୍କ ସହ ମୋଟ ୧୦୦ ଜଣ ସଫଳ ପୋଲିସ କର୍ମଚାରୀଙ୍କୁ ଏହି ସମ୍ମାନ ପଦକ ମିଳିବ । ସଫଳ ଅଧିକାରୀଙ୍କ ମଧ୍ୟରେ ବଲାଙ୍ଗୀର ଏସ୍ପି କୁଶଲକର ନିତିନ୍ ଡଗଡୁ ଆଇପିଏସ୍ ଅଫିସର ତଥା ସେଣ୍ଟ୍ରାଲ୍ ରେଞ୍ଜ ଆଇଜି ନରସିଂହ ଭୋଳ ଓ କଳାହାଣ୍ଡି ଏସ୍ପି ଶ୍ରବଣ ବିବେକ ଡିଜିପି ପଦକ ପାଇଁ ଯୋଗ୍ୟ ବିବେଚିତ ହୋଇଛନ୍ତି ।
ସେହିପରି କମାଣ୍ଡାଣ୍ଟ ଦୁର୍ବାସା ନାୟକଙ୍କ ସମେତ ଜଣେ ଅତିରିକ୍ତ ଏସ୍ପି, ୨ ଡେପୁଟି କମାଣ୍ଡାଣ୍ଟ, ୧୧ ଡିଏସ୍ପି, ୨ ଆସିଷ୍ଟାଣ୍ଟ କମାଣ୍ଡାଣ୍ଟ, ୧୧ ଇନ୍ସପେକ୍ଟର, ୨ ସୁବେଦାର, ୧୧ ସବ୍ଇନ୍ସପେକ୍ଟର, ଜଣେ ଡେପୁଟି ସୁବେଦାର, ୬ ଏଏସ୍ଆଇ, ଏଆଇଜି ଅନିଲ୍ ପାତ୍ର, ୯ ହାବିଲଦାର, ୨୪ କନଷ୍ଟେବଲ୍, ୨ ସିପାହୀ, ୨ କମାଣ୍ଡୋ, ଜଣେ ଡ୍ରାଇଭର ଏବଂ ୧୦ ଜଣ ଓଏପିଏଫ୍ ଯବାନ ଡିଜିପି ପଦକ ପାଇବେ ବୋଲି ପୁଲିସ୍ ମୁଖ୍ୟାଳୟ ପକ୍ଷରୁ ସୂଚନା ମିଳିଛି ।