ବଲାଙ୍ଗିର, (ନାଗରାଜ ନ୍ୟୁଜ): ବଲାଙ୍ଗିର ସହରରେ ଅଲୋଡା ହେଉଛନ୍ତି ନବଜନ୍ମିତ ଶିଶୁ । ସହର ବିଭିନ୍ନ ଜାଗାରୁ ଉଦ୍ଧାର ହେଉଛନ୍ତି ଜୀଅନ୍ତା ନତୁବା ମୃତ ଶିଶୁ । ଆଜି ପୁଣି ଏକ ଶିଶୁର ଶବ ଭାସୁ୍ଛି ବଲାଙ୍ଗିର ସହର ତୁଳସୀନଗର ପଡାର ବ୍ରୀଜ ନିକଟରେ । ଶିଶୁଟି ପୁଅ ନାଁ ଝିଅ ଜଣାପଡିନାହିଁ । ସ୍ଥାନୀୟ ଲୋକେ ଶବ ଭାସୁଥିବା ଜାଣିବା ପରେ ସେଠାରେ ଲୋକଙ୍କ ଭିଡ ଲାଗିରହିଛି ।
ସବୁବେଳେ ଜନଗହଳି ରହିଥିବା ସାଗରରେ ଶିଶୁର ଶବ ଭାସିବା ଅଂଚଳରେ ଚାଞ୍ଚଲ୍ୟ ଖେଲିଯାଇଛି । ସ୍ୱାଭାବିକ ଭାବେ ମୃତ ଶିଶୁକୁ ଫିଙ୍ଗି ଦିଆଯାଇଛି ନା ଭୃଣହତ୍ୟା କରାଯାଇଛି ତାହା ତଦନ୍ତ ପରେ ଜଣାପଡିବ । ଗତକିଛି ଦିନ ତଲେ ରେଲୱେ ଷ୍ଟେସନ ରାସ୍ତାର ଏକ ପୋଳ ନିକଟରେ ଥିବା ବ୍ୟାଗରୁ ଜିଅନ୍ତା ଶିଶୁପୁତ୍ରକୁ ଉଦ୍ଧାର କରାଯାଇଥିଲା। ବାରମ୍ୱାର ବଲାଙ୍ଗିର ସହରରେ ଶିଶୁଙ୍କ ଶବ ମିଲିବା ଘଟଣାକୁ ନେଇ ସାରା ସହରରେ ଚାଞ୍ଚଲ୍ୟ । ଘଟଣାର ଉପଯୁକ୍ତ ତଦନ୍ତ କରିବା ପାଇଁ ସ୍ଥାନୀୟ ଲୋକେ ଦାବୀ କରିଛନ୍ତି ।