ରାଉରକେଲା, (ନାଗରାଜ ନ୍ୟୁଜ) : ପାନପୋଷ ବ୍ରିଜ ସ୍ଥିତ ଦଣ୍ଡିଆପାଲି ଅଞ୍ଚଳରେ ଘଟିଛି ଏକ ସଡକ ଦୁର୍ଘଟଣା । ଏହି ଦୁର୍ଘଟଣାରେ ଜଣେ ଯୁବକର ମୃତ୍ୟୁ ହୋଇଛି । ସୂଚନା ଅନୁଯାୟୀ ବିଜୟ କୁମାର ବେହେରା (୧୯) ସ୍କୁଟିରେ ପାନପୋଷ ଆଡକୁ ଯାଉଥିବା ବେଳେ ଦୁର୍ଘଟଣାର ଶିକାର ହୋଇଥିଲେ । ପଛରୁ ଦ୍ରୁତ ଗତିରେ ଆସୁଥିବା ହାଇୱା ଧକ୍କା ଦେବାରୁ ଘଟଣାସ୍ଥଳରେ ଯୁବକଙ୍କ ମୃତ୍ୟୁ ହୋଇଥିଲା । ଖବର ପାଇ ବ୍ରାହ୍ମଣୀ ତରଙ୍ଗ ପୋଲିସ ଘଟଣାସ୍ଥଳରେ ପହଞ୍ଚି ମୃତ ଯୁବକର ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇବା ସହିତ ଦୁର୍ଘଟଣା ଗ୍ରସ୍ତ ବାଇକ ଓ ହାଇୱାକୁ ଜବତ କରିଛି । ଦୁର୍ଘଟଣା ଘଟାଇଥିବା ହାଇୱା ଚାଳକକୁ ପୋଲିସ ଗିରଫ କରିଥିବାର ସୂଚନା ମିଳିଛି । ତେବେ ମୃତ ଯୁବକ ଜଣକ ମୁନସିପାଲ କଲେଜର ଛାତ୍ର ବୋଲି ଜଣାପଡିଛି ।