ରାଉରକେଲା, (ନାଗରାଜ ନ୍ୟୁଜ): ରାଉରକେଲା ସେକ୍ଟର -୧୯ ସ୍ଥିତ ବେଥାନୀ ପଡିଆର ଅନ୍ତଃ ଜିଲ୍ଲା ଗ୍ରାମୀଣ ହକି ଟୁର୍ଣ୍ଣାମେଣ୍ଟ ରବିବାର ଉଦଯାପିତ ହୋଇଯାଇଛି । ସାଗରିକା ୱଲେଫାୟାର ଟ୍ରଷ୍ଟ ପକ୍ଷରୁ ଆୟୋଜିତ ଏହି ଟୁର୍ଣ୍ଣାମେଣ୍ଟ ଉଦଯାପନୀ ଉତ୍ସାବରେ ଆରଏସପିର କାର୍ଯ୍ୟ ନିର୍ବାହୀ ଅଧିକାରୀ ପି.କେ ସତପଥୀ, ମୁଖ୍ୟ ଅତିଥି ପିଟର ତିର୍କୀ, ହେମନ୍ତ ଛୁରିଆ, ସୌମ୍ୟ ଜେନା, ସିଲଭସ୍ ଟପୋ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ । ଟ୍ରଷ୍ଟ ସଭାପତି ଜୟନ୍ତୀ ଦାସ ସଭାରେ ଅଧ୍ୟକ୍ଷତା କରିଥିଲେ ଓ ପୁରୁଷୋତ୍ତମ ତନ୍ତୀ ସନ୍ତୋଷ ତନ୍ତୀ ମଧ୍ୟ ସହଯୋଗ କରିଥିଲେ ।
ଏହି ଅବସରରେ ଟ୍ରଷ୍ଟ ପକ୍ଷରୁ ହରିହର ରାଉତରାୟଙ୍କୁ ରାଉରକେଲାର ଲୈାହମାନବ ଭାବେ ସମ୍ବର୍ଦ୍ଧିତ କରାଯାଇଥିଲା । ଟୁର୍ଣ୍ଣାମେଣ୍ଟରେ ଜିଲ୍ଲାର ୧୬ଟି ଦଳ ଅଂଶଗ୍ରହଣ କରିଥିଲେ । କେଦରମୁଣ୍ଡ ଓ ରଜଙ୍ଗପୁର ସାଦାବାହାଲ ଦଳ ୧-୦ ଗୋଲରେ ଚମ୍ପିୟାନ ହୋଇଥିଲେ । ବିଜୟୀ ଦଳକୁ ୧୫ ହଜାର ଟଙ୍କା ସହ ଟ୍ରଫି ଓ ରନର୍ସ ଅପ୍ ଦଳକୁ ୧୦ ହଜାର ଟଙ୍କା ସହ ଟ୍ରଫି ପ୍ରଦାନ କରାଯାଇଥିଲା । ତୃତୀୟ ଦଳ ଭାବେ ପାଣିଟାଙ୍କିକୁ ୭ ହଜାର ଟଙ୍କା ସହ ଟ୍ରଫି ଓ ଚତୁର୍ଥ ରନର୍ସ ଦଳ ଝାରରପୁର ଦଳକୁ ୫ ହଜାର ଟଙ୍କା ସହ ଟ୍ରଫି ପ୍ରଦାନ କରାଯାଇଥିଲା ।