ଭୂବନେଶ୍ବର: ଥମିବାର ନାଁ ଧରୁନି କରୋନା ମୃତ୍ୟୁ ସଂଖ୍ୟା । ଆଜି ସବୁ ରେକର୍ଡ ଭାଙ୍ଗି ମହାମାରୀ । ଗତ ୨୪ ଘଣ୍ଟା ମଧ୍ୟରେ ୫୯ ଜଣଙ୍କ କରୋନାରେ ମୃତ୍ୟୁ ହୋଇଛି । ଏହାଫଳରେ ରାଜ୍ୟରେ ମୋଟ କରୋନା ମୃତ୍ୟୁ ସଂଖ୍ୟା ୪୩୫୮କୁ ବୃଦ୍ଧି ପାଇଛି ।
ଆଜି କଳାହାଣ୍ଡିରୁ ୩ଜଣଙ୍କ ମୃତ୍ୟୁ ଘଟିଥିବାବେଳେ କେନ୍ଦ୍ରାପଡାରେ ୩ ଜଣ କରୋନା ସଂକ୍ରମିତଙ୍କର ଜୀବନ ହାନି ଘଟିଛି । ଅନୁଗୁଳ ଜିଲାରୁ ଜଣେ ଆକ୍ରାନ୍ତ ପ୍ରାଣ ହରାଇଥିବାବେଳେ ବରଗଡ ଜିଲାରୁ ୫ ଜଣଙ୍କର ମୃତ୍ୟୁ ଘଟିଛି । ଖୋର୍ଦ୍ଧା ଜିଲାରେ ସର୍ବାଧିକ ୯ ଜଣଙ୍କର ମୃତ୍ୟୁ ଘଟିଛି । କଟକ ଜିଲାରୁ ୨, ଢେଙ୍କାନାଳ ଜିଲାରୁ ୫, ଗଞ୍ଜାମରେ ୪ ଜଣଙ୍କର ମୃତ୍ୟୁ ଘଟିଛି ।
ଜଗତସିଂହପୁର ଜିଲାରେ ଜଣେ ପ୍ରାଣ ହରାଇଥିବାବେଳେ ଯାଜପୁରରେ ୨, କୋରାପୁଟରେ ଜଣେ, ମୟୁରଭଞ୍ଜରେ ୨ ଜଣ, ନବରଙ୍ଗପୁର ଜିଲାରେ ୩, ନୟାଗଡ ଜିଲାରେ ୪, ପୁରୀ ଜିଲାରେ ୫ ଜଣଙ୍କର ଜୀବନ ନେଇଛି କରୋନା । ସେହିଭଳି ରାୟଗଡା ଜିଲାରେ ୪ ଜଣ ଓ ସୁନ୍ଦରଗଡ ଜିଲାରେ ୪ ଜଣଙ୍କର ମୃତ୍ୟୁ ଘଟିଛି ।