ଭୂବନେଶ୍ଵର: ରାଜ୍ୟରେ କରୋନା ନିଜର ଆତଙ୍କ ଖେଳାଉଥିବା ବେଳେ ଲୁଟେରାମାନେ ମଧ୍ୟ ସେଥିରୁ ବାଦ ପଡି ନାହାନ୍ତି । ଲୁଟ ପାଇଁ ମହିଳାଙ୍କ ବେକ କାଟିବାକୁ ଉଦ୍ୟମ କରାଯାଇଛି । ଯାହାର ଚିତ୍ର ସିସିଟିଭିରେ କଏଦ ହୋଇଛି । ଏଭଳି ଘଟଣା ଦେଖିବାକୁ ମିଳିଛି ଖୋଦ ସ୍ମାର୍ଟ ସିଟି ଭୂବନେଶ୍ବରର ନୟାପଲ୍ଲୀ ଭିଆଇପି କଲୋନୀ ରାସ୍ତାରେ । ଖବର ଅନୁସାରେ ସକାଳୁ ମହିଳା ଜଣକ ପରିବା ଆଣିବାକୁ ଯାଉଥିଲେ । ଏହି ସମୟରେ ଦୃବୁର୍ତ୍ତଙ୍କ ଆକ୍ରମଣର ଶିକାର ହୋଇଛନ୍ତି । ଗୁରୁତର ଅବସ୍ଥାରେ ମହିଳା ଜଣଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ତେବେ ଗୁରୁତର ମହିଳାଙ୍କ ପରିଚୟ ଏଯାଏ ହସ୍ତଗତ ହୋଇପାରି ନାହିଁ ।