ସୁନ୍ଦରଗଡ଼/ରାଜଗାଙ୍ଗପୁର, (ନାଗରାଜ ନ୍ଯୁଜ): ସୁନ୍ଦରଗଡ଼ ଜିଲ୍ଲାର ରାଜଗାଙ୍ଗପୁର ପୋଲିସର ପଞ୍ଜା ଧିରେଧିରେ ଅପରାଧୀ ମାନଙ୍କ ପାଇଁ ଭାରି ହେବାରେ ଲାଗିଛି । ରାଜଗାଙ୍ଗପୁର ଥାନାଧିକାରୀ ଶ୍ରୀ ବସ୍ଛ ପ୍ରଧାନ ଏବଂ ଏସଡିପିଓ ଶଶାଙ୍କ ଶେଖର ବେଉରା ପ୍ରତିଦିନ ଅପରାଧୀ ମାନଙ୍କୁ ସାବାଡ କରି ଅପରାଧୀମାନଙ୍କ ମଧ୍ୟରେ କୋକୁଆ ଭୟ ସୃଷ୍ଟି କରିଛନ୍ତି । ସହରରେ ବ୍ରାଉନ ସୁଗାର କାରବାର, ଚୋରି ରାହାଜାନୀ, ଡକାୟତି ବନ୍ଦ କରିବା ପାଇଁ ଦିନରାତି ଏକ କରିଦେଇଛନ୍ତି ।
ଅପରାଧ ମୁକ୍ତ କରିବା ପାଇଁ ଜନସାଧାରଣ ପୋଲିସକୁ ସହଯୋଗ କରିବା ପାଇଁ ଥାନା ଅଧିକାରୀ ନିବେଦନ କରିଛନ୍ତି । ଅନ୍ୟ ପକ୍ଷରେ ଆଜି ସମ୍ବଲପୁର ଜିଲ୍ଲାର ଗଡପୋଷ ଫାଣ୍ଡି ଅଞ୍ଚଳର କିଶୋର ମହାନନ୍ଦିଆ ରାଜଗାଙ୍ଗପୁର ଲିପଲୋଇ ଠାରେ ଭଡ଼ାରେ ରହି ଦୀର୍ଘ ଦିନ ହେବ ବିଭିନ୍ନ ସ୍ଥାନରୁ ବାଇକ୍ ଚୋରି କରି କମ୍ ଦରରେ ବିକ୍ରୀ କରୁଥିଲା । ଆଜି ପୋଲିସ ଗୁପ୍ତ ସୂଚନା ପାଇ କିଶୋର ମହାନନ୍ଦିଆକୁ ଗିରଫ କରିଥିଲା । ଗିରଫ କିଶୋର ମହାନନ୍ଦିଆକୁ ଅଧିକ ପଚରାଉଚରା କରାଯିବାରୁ ସେ ସୁନ୍ଦରଗଡ଼, ବଡଗାଁ, ଖତକୁରବାହାଲ, ଗଡପୋଷ ଓ ରାଜଗାଙ୍ଗପୁରରୁ ମାଷ୍ଟର ଚାବି ସାହାଯ୍ୟରେ ବାଇକ୍ ଚୋରି କରି ବିଭିନ୍ନ ସ୍ଥାନରେ ବିକ୍ରୀ କରି ଆସୁଥିଲା । ଅଭିଯୁକ୍ତଠାରୁ ସୂଚନା ପାଇ ପୋଲିସ ବିଭିନ୍ନ ସ୍ଥାନରୁ ୧୨ରୁ ଉର୍ଦ୍ଧ ଚୋରି ବାଇକ୍ ଉଦ୍ଧାର କରିଥିଲା ।
ସୁନ୍ଦରଗଡ ଜିଲ୍ଲା ରାଜଗାଙ୍ଗପୁରରୁ ଦଶରଥ ପୋଡ଼ଙ୍କ ରିପୋର୍ଟ ନାଗରାଜ ନ୍ଯୁଜ