ବାଙ୍କୀ, (ନାଗରାଜ ନ୍ୟୁଜ): ଆଜି ବାଙ୍କୀ ଏନଏସି ପ୍ରାର୍ଥୀପତ୍ର ଦାଖଲର ଶେଷ ଦିନରେ ପ୍ରମୁଖ ତିନି ଦଳର ପ୍ରାର୍ଥୀ ମାନେ ନିଜ ନିଜ କର୍ମୀଙ୍କୁ ଧରି ବିରାଟ ପଟୁଆରରେ ବାଜା, ବାଣ ଓ ହାତରେ ଦଳୀୟ ପତାକା ଧରି ପ୍ରାର୍ଥୀପତ୍ର ଦାଖଲ ପାଇଁ ପଂହଁଚିଥିଲେ । ଦାଖଲର ଶେଷ ଦିନରେ ୧୭ଟି ୱାଡରୁ ମୋଟ ୫୭ ଜଣ କାଉଁସିଲର ପ୍ରାର୍ଥୀ ପାଇଁ ନୋମିନେସନ କରିଥିବା ବେଳେ ସେପଟେ ଚେୟାଇମ୍ୟାନ ପଦ ପାଇଁ ୫ ଜଣ ପ୍ରାର୍ଥୀପତ୍ର ଦାଖଲ କରିଥିବା ସୂଚନା ମିଳିଛି । ଉଭୟେ ମିଶି ୬୨ ଜଣ ପ୍ରାର୍ଥୀ ଏଥର ଏନଏସି ନିର୍ବାଚନ ମଇଦାନକୁ ଓହ୍ଲାଇଛନ୍ତି । ଏଥିମଧ୍ୟରୁ ବିଜେଡିର ପଲା ଭାରିଥିବା ଜଣାପଡ଼ିଛି । କଟକ ଜିଲ୍ଲା ବାଙ୍କୀ ଏନଏସିରେ ରହିଛି ୧୭ ଗୋଟି ୱାର୍ଡ । ୧୪,୦୭୫ ଜଣ ଭୋଟର ରହିଥିବା ବେଳେ ମହିଳା ଭୋଟର ୬୮୧୮ଜଣ, ପୁରୁଷ ଭୋଟର ୭୨୫୬ ଜଣ ୧୮ଟି ବୁଥ ରହିଛି ।
ବାଙ୍କୀରୁ ସଞ୍ଜିବ ଆନନ୍ଦ ଜେନାଙ୍କ ରିପୋର୍ଟ