ସୁନ୍ଦରଗଡ଼/ରାଜଗାଙ୍ଗପୁର, (ନାଗରାଜ ନ୍ୟୁଜ ): ସୁନ୍ଦରଗଡ଼ ଜିଲ୍ଲାର ରାଜଗାଙ୍ଗପୁର ଥାନା ଅଧିକାରୀ ଶ୍ରୀବତ୍ସ ପ୍ରଧାନଙ୍କୁ ଆଜି ସୁନ୍ଦରଗଡ଼ ଏସପି ସାଗରିକା ନାଥ ମାନପତ୍ର ପ୍ରଦାନ କରିଛନ୍ତି । ଶ୍ରୀବତ୍ସ ପ୍ରଧାନ ରାଜଗାଙ୍ଗପୁର ଥାନାରେ ଅଧିକାରୀ ଭାବେ ଯୋଗ ଦେବା ପରଠାରୁ ସହରକୁ ଅପରାଧ ମୁକ୍ତ କରିବା ପାଇଁ ଦିନରାତି ଏକ କରି ଦେଇଛନ୍ତି । ଗଞ୍ଜେଇ ମାଫିଆ, ଡ୍ରଗ୍ସମାଫିଆ, ଛିନ୍ନତାଇ, ମଟରସାଇକେଲ ଲୁଟ ଓ ବ୍ୟାଙ୍କ ଡ଼କାୟତି ପରି ଅପରାଧୀମାନଙ୍କୁ ସାବାଡ କରିବା ସହିତ ବିଭିନ୍ନ ସ୍ଥାନରେ ଚଢାଉ କରି ଅନେକ ଅପରାଧୀଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି । ଯାହାଫଳରେ ସହରରେ ଅପରାଧୀ ମାନଙ୍କ ମଧ୍ୟରେ କୋକୁଆ ଭୟ ସୃଷ୍ଟି ହୋଇଛି । ପ୍ରଧାନଙ୍କ ଏହି ଦକ୍ଷ ଓ ସାହାସୀ କାର୍ଯ୍ୟ ପାଇଁ ସୁନ୍ଦରଗଡ଼ ଏସପି ସାଗରିକା ନାଥ ଆଜି ମାନପତ୍ର ଦେଇ ସମ୍ମାନୀତ କରିଛନ୍ତି ।