ରାଉରକେଲା, (ନାଗରାଜ ନ୍ୟୁଜ): ଝାରତରଙ୍ଗ ସ୍ମିତ ଭଣ୍ଡାରଟୋଳି ବସ୍ତିରେ ଶ୍ରୀ ଦିନେଶ୍ଵର ମହାଦେବ ମନ୍ଦିରର ପ୍ରାଣ ପ୍ରତିଷ୍ଠା ଦିବସ ପାଳିତ ହେଉଛି। ଏହି ୩ ଦିନିଆ କାର୍ଯ୍ୟକ୍ରମରେ ଯାଜପୁର ଜିଲ୍ଲାରୁ ଆସିଥିବା ୭ ଜଣ ପଣ୍ଡିତ ଯୋଗ ଦେଇଥିଲେ। ଏହି ପ୍ରତିଷ୍ଠା ଦିବସରେ ମୁଖ୍ୟ ପୂଜକ ଭାବେ ରମେଶ ପତି,ମହେଶ୍ୱର ପଣ୍ଡା,ମନୋରଞ୍ଜନ ପ୍ରତିଙ୍କ ସହ ଅନ୍ୟ ପଣ୍ଡିତମାନେ ଉପସ୍ଥିତ ରହି ଯଥା ବିଧି ପୂର୍ବକ ପୂଜାକାର୍ଯ୍ୟ ସମ୍ପନ୍ନ କରିଥିଲେ । ଏହି ପ୍ରତିଷ୍ଠା ଦିବସର ପ୍ରଥମ ଦିନରେ କଳସ ଶୋଭାଯାତ୍ରା ହୋଇଥିଲା, ଦ୍ୱିତୀୟ ଦିନରେ ଦେବଦେବୀଙ୍କ ମହାସ୍ନାନ,ହୋମଯଜ୍ଞ,ଗୀତମଞ୍ଜର,ଆୟୋଜନ ହୋଇଥିଲା । ମଙ୍ଗଳବାର ଦିନ ହୋମଯଜ୍ଞ, ପୂର୍ଣ୍ଣାଆହୁତି, ଚଣ୍ଡିଜଜ୍ଞ,ଦେନେଶ୍ୱର ମହାପ୍ରଭୁଙ୍କର ପ୍ରାଣ ପ୍ରତିଷ୍ଠା ,ମନ୍ଦିରର ପର୍ଶ୍ଵଦେବାଦେବୀ ଓ ବିଗ୍ରହ ପ୍ରତିଷ୍ଠ ଅନୁଷ୍ଠିତ ହେବ। ଏଥିସହ ୩ ଦିନ ଧରି ଗ୍ରାମବାସୀ ଓ ପାନପୋଷ ଜୟ ଜଗନ୍ନାଥ ମହିଳା କୀର୍ତ୍ତନ ମଣ୍ଡଳୀ ପକ୍ଷରୁ ହରିନାମ ସଙ୍କୀର୍ତ୍ତନ ଆୟୋଜିତ ହୋଇଥିଲା । ଏହି କାର୍ଯ୍ୟକ୍ରମକୁ ଝାରତରଙ୍ଗ ସମସ୍ତ କର୍ମକର୍ତ୍ତା ଓ ଗ୍ରାମବାସୀ ପରିଚାଳନାରେ ସହଯୋଗ କରିଥିଲେ।