ଢେଙ୍କାନାଳ, (ନାଗରାଜ ନ୍ୟୁଜ): ସାଧାରଣ ଜନତା ଚୋରି ଅଭିଯୋଗ ପାଇଁ ଥାନାର ଦ୍ୱାରସ୍ତ ହେଉଥିବା ବେଳେ ଯଦି ଥାନାରୁ ଚୋରି ହୁଏ ତାହେଲେ ବୁଝିବ କିଏ ? ଏପରି ଏକ ଘଟଣା ଘଟିଛି ଢେଙ୍କାନାଳ ଜିଲ୍ଲା ଟାଉନ ଥାନାରେ । ଥାନାରୁ ଗାଡ଼ି ଚୋରି ନେଉଥିବା ବେଳେ ସମ୍ପୃକ୍ତ ଯୁବକଙ୍କୁ ଗିରଫ କରିଛି ପୋଲିସ । ତେବେ ଯୁବକ ଜଣଙ୍କ ହେଉଛନ୍ତି ଢେଙ୍କାନାଳ ଜିଲ୍ଲା ଗଁଦିଆ ଥାନା ଅନ୍ତର୍ଗତ ହାଟ ବାଇଁଶିଆ ଗ୍ରା ର ଧର୍ମେନ୍ଦ୍ର ସ୍ବାଇଁ । ସୂଚନା ଅନୁସାରେ ଏକ ମାମଲାରେ ଧର୍ମେନ୍ଦ୍ରକୁ ଥାନାକୁ ଆଣିଥିଲା ପୋଲିସ୍ । ପୋଲିସ୍ ବୋଲେରୋ ଗାଡ଼ିରେ ଚାବି ଛାଡି ଡ୍ରାଇଭର ଜଣଙ୍କ ପାଣି ପାଇଁ ଯିବା ସମୟରେ ଏହାର ସୁଯୋଗ ନେଇ ଗାଡିଟିକୁ ନେଇଯିବାରେ ସଫଳ ହୋଇଥିଲା ଦୁର୍ବୃତ୍ତ । ତେବେ ଗାଡି ନେଇ ଯାଉଥିବା ସମୟରେ ପୋଲିସ ଦୁର୍ବୁତ୍ତକୁ ଟାଙ୍ଗୀ ଅଞ୍ଚଳରୁ କାବୁ କରି ଗିରଫ କରିବାରେ ସଫଳ ହୋଇଥିଲା । ତେବେ ସମ୍ପୃକ୍ତ ଯୁବକଙ୍କ ମାନସିକ ସ୍ଥିତି ଠିକ ନଥିଲା ପରି ଲାଗୁଥିବା ବେଳେ ସିଏ କଣ ପାଇଁ ଏବଂ କେଉଁ ପରିସ୍ଥିତିରେ ଏଭଳି କାମ କରିଛି ତାହା ପୋଲିସ୍ ତଦନ୍ତ ଦ୍ୱାରା ଜଣା ପଡିବ ।