ଖଇରା, (ନାଗରାଜ ନ୍ୟୁଜ): ଆଗାମୀ ପଞ୍ଚାୟତ ନିର୍ବାଚନ ପାଇଁ ଖଇରାରେ ଚାଲିଥିଲା ନକଲି ମଦ ତିଆରି । ପ୍ରକାଶ ଥାଉକି କୌଣସି ସୂତ୍ରରୁ ଅବକାରୀ ବିଭାଗ ତରଫରୁ ଚଢ଼ାଉ କରି ନକଲି ମଦ ତିଆରି କରିବା ସ୍ପିରୀଟି, ବୋତଲ ଓ ଠିପି ଏବଂ ସିଲ ଜବତ କରିବା ସହ ଜଣକୁ ଗିରଫ କରିଛି । ପ୍ରକାଶଥାଉକି ବାଲେଶ୍ୱର ଜିଲ୍ଳା ଖଇରା ବ୍ଲକ ଅନ୍ତର୍ଗତ ବଣପାରିଆ ଗ୍ରାମରେ କୈଳାସ ରଥ ନିଜଘର ପଛପଟେ ନକଲି ମଦ ତିଆର କରୁଥିଲେ । କିଛିଦିନ ତଳେ ଅବକାରୀ ବିଭାଗ କୈଳାସ ରଥଙ୍କ ଘରେ ଚଢ଼ାଉ କରି ଜେଲ ପଠାଇଥିଲେ । ଆଗକୁ ପଞ୍ଚାୟତ ନିର୍ବାଚନକୁ ଆଖିଆଗରେ ରଖି ସରକାରୀ ମଦଦୋକାନ ବନ୍ଦ ରହିବାକୁ ଲକ୍ଷ୍ୟ କରି ଅଧିକ ଲାଭ ପାଇଁ ନାମିଦାମୀ ବ୍ରାଣ୍ଡରେ ନକଲି ମଦ ପ୍ରସ୍ତୁତ କରୁଥିଲେ । କୌଣସି ସୂତ୍ରରୁ ଖବର ପାଇ ଅବକାରୀ ବିଭାଗ ଚଢ଼ାଉ କରି କୈଳାସ ରଥଙ୍କୁ କୋର୍ଟଚାଲାଣ କରିଛି । ଚଢ଼ାଉରେ ତିରିଶ ଲିଟର ନକଲି ସ୍ପିରୀଟି ସହ ବିପୁଳ ପରିମାଣର ନକଲି ମଦ ଜବତ କରାଯାଇଛି ।