କଟକ, (ନାଗରାଜ ନ୍ୟୁଜ): କଟକ ବିଦ୍ୟାଧରପୁର ସ୍ଥିତ ବିଦ୍ୟାଧରପୁର ହରିଜନ ପ୍ରାଥମିକ ବିଦ୍ୟାଳୟର ପ୍ରଧାନଶିକ୍ଷୟିତ୍ରୀ ଗୀତା ରାଣୀ ମଲ୍ଲିକ ଙ୍କର ଅବସର କାଳୀନ ସମ୍ବର୍ଦ୍ଧନା ଉତ୍ସବ ଅନୁଷ୍ଠିତ ହୋଇଥିଲା ଉକ୍ତ ସମ୍ବର୍ଦ୍ଧନା ସଭାରେ ତି ନିଘରିଆ କ୍ଲଷ୍ଟର ର ସି ଆର ସି ସୁଶାନ୍ତ କୁମାର ସାହୁ ସଭାପତିତ୍ବ କରି ତାଙ୍କର ସ୍କୁଲ ପ୍ରତି ଥିବା ଅବଦାନ ସମ୍ପର୍କ ରେ ଆଲୋକ ପାତ କରିଥିଲେ। ପ୍ରାରମ୍ଭରେ ବିଦ୍ୟାଳୟର ସହ କାରୀ ଶିକ୍ଷୟତ୍ରୀ ବିଶ୍ୱସିନି ପାତ୍ର ସ୍ଵାଗତ ଭାଷଣ ଦେବାସହ ପ୍ରଧାନ ଶିକ୍ଷୟତ୍ରୀ ଙ୍କର କାର୍ଯ୍ୟଦକ୍ଷତା ଉପରେ ସୂଚନା ଦେବା ସହ ତାଙ୍କର ଅବସର କାଳୀନ ସମୟ ସୁଖମୟ ହେଉ ବୋଲି କହିଥିଲେ।ଏହି ଉତ୍ସବରେ ଅନ୍ୟ ମାନଙ୍କ ମଧ୍ୟରେ ୫୫ ନମ୍ବର ୱାର୍ଡ କର୍ପୋରେଟର ବିଶ୍ଵବନ୍ଦିତା ପଣ୍ଡା,କଟକ ସଦର ଏ ବି ଓ ବିଜୟୀ ପ୍ରଭା ଦାସ,ପୂର୍ବତନ ଏ ବି ଓ ଅଜୟ କୁମାର ସାହୁ, ନୂଆବଜାର ହାଇ ସ୍କୁଲର ପ୍ରାକ୍ତନ ପ୍ରଧାନ ଶିକ୍ଷକ ଡକ୍ଟର ପ୍ରଫୁଲ୍ଲ କୁମାର ନାୟକ, ଦେବେନ୍ଦ୍ର କୁମାର ଦେବତା, ରେବତୀ ପଣ୍ଡା, ଶିକ୍ଷା କମିଟି ର ସଭାପତି ବାସନ୍ତୀ ସାହୁ, ବିଭୂପଦାର ବିନ୍ଦ ଆଚାର୍ଯ୍ୟ,ସୁରେନ୍ଦ୍ରନାଥ ସେନାପତି ଏବଂ ପରିଚାଳନା ସମିତିର ସମସ୍ତ ସଭ୍ୟ ସଭ୍ୟା ଙ୍କ ସମେତ କଟକ ସଦର ବ୍ଲକ ର ବିଭିନ୍ନ ବିଦ୍ୟାଳୟରୁ ଶିକ୍ଷକ ଶିକ୍ଷୟତ୍ରୀ ଯୋଗ ଦେଇ କହିଲେ ଶ୍ରୀମତୀ ମଲ୍ଲିକ ଜଣେ ଛାତ୍ର ବାତ୍ସଳ, କର୍ତ୍ତବ୍ୟ ନିଷ୍ଠ, ମିଷ୍ଠ ଭାଷୀ, ପରୋପକାରୀ ଶିକ୍ଷୟତ୍ରୀ ଥିଲେ।ତାଙ୍କ ଜୀବନ କାଳ ମଧ୍ୟରେ ମଣିଷ ଗଢା କାରଖାନାରେ ରହି ବହୁ ଛାତ୍ର ଛାତ୍ରୀଙ୍କୁ ଗଢି ତୋଳିଛନ୍ତି । ତାଙ୍କ ଅବସରକାଳୀନ ଜୀବନ ସୁସ୍ଥ ନିରାମୟ ହେଉ ବୋଲି କହିଥିଲେ। ଶେଷରେ ବିଦ୍ୟାଳୟର ସହକାରୀ ଶିକ୍ଷୟତ୍ରୀ ଜ୍ୟୋତି ସାହୁ ଧନ୍ୟବାଦ୍ ଅର୍ପଣ କରିଥିଲେ।
