ବାଙ୍କୀ, (ନାଗରାଜ ନ୍ୟୁଜ): କଟକ ଜିଲ୍ଲା ବାଙ୍କୀ ମହାବିଦ୍ୟାଳୟର ପରିସରରେ ଥିବା ଅଡିଟୋରୀୟମ ସମ୍ମିଳନୀ କକ୍ଷ ଠାରେ ନୂତନ ଭାବେ ସାମ୍ବାଦିକ ସଂଘ ଗଠିତ ହୋଇଛି । ମା ଚର୍ଚ୍ଚିକା ସାମ୍ବାଦିକ ସଂଘ ନାମରେ ନାମିତ ସହ ସାଧାରଣ ପରିଷଦ ବୈଠକ ଅନୁଷ୍ଠିତ ହୋଇଛି । ଏହି ବୈଠକରେ ଉପଖଣ୍ଡର ପ୍ରାୟ ୨୧ ଜଣରୁ ଉର୍ଦ୍ଧ୍ୱ ଛାପା ଓ ବୈଦୁତିକ ଆଉ ୱାବେ ମିଡିଆର ପ୍ରତିନିଧିମାନେ ଯୋଗଦେଇଥିଲେ । ଆଜିର ଏହି ବୈଠକରେ ନୂତନ ଭାବେ ସଂଘର ପରିଚାଳନା କମିଟି ଗଠନ କରାଯାଇଥିବା ବେଳେ ଅନ୍ୟପଟେ ସର୍ବସମ୍ମତି କ୍ରମେ ବରିଷ୍ଠ ସାମ୍ବାଦିକ ଅରବିନ୍ଦ ଶ୍ରୀଚନ୍ଦନଙ୍କୁ ସ୍ଥାୟୀ ସଭାପତି ଭାବେ ମନୋନିତ କରାଯାଇଛି । ଏହାସହିତ ସମ୍ପାଦକ ଭାବେ ସାମ୍ବାଦିକ ମନୋଜ ଦଳାଇ ଉପସଭାପତି ଭାବେ ମାନସ ସାହୁ ଓ ଅନନ୍ତ ରଣାଙ୍କୁ ଦାଇତ୍ୱ ଦିଆଯାଇଛି । ଆଗାମୀ ଦିନରେ ସଂଘ ସମ୍ପୂର୍ଣ୍ଣ ଭାବେ ଜନସାଧାରଣଙ୍କୁ କିଭଳି ସଠିକ ନ୍ୟାୟ ମିଳିବା ସହ ସମସ୍ୟାକୁ ବିଭିନ୍ନ ଗଣମାଧ୍ୟମରେ ପ୍ରକାଶ କରି ସମାଧାନ କରିବାରେ ପ୍ରୟାସ ଜାରି ରଖିବେ ଲୋକଙ୍କ ବିଶ୍ୱାସ ଭାଜନ ହୋଇପାରିବ ସେନେଇ କାର୍ଯ୍ୟ କରିବାକୁ ସମସ୍ତଙ୍କୁ ଆହ୍ୱାନ ଦିଆଯାଇଛି ।