ଆଠମଲ୍ଲିକ, (ନାଗରାଜ ନ୍ୟୁଜ): ଅନୁଗୋଳ ଜିଲ୍ଲା ଆଠମଲ୍ଲିକ ନିର୍ବାଚନ ମଣ୍ଡଳୀରେ ବିଧାୟକଙ୍କ ଦ୍ଵାରା ବିଭିନ୍ନ ପ୍ରକଳ୍ପର ଉଦଘାଟନ କରାଯାଇଛି । ଠାକୁରଗଡ଼ ପଞ୍ଚାୟତରେ ନୂତନ କୋଠା, ଠାକୁରଗଡ଼ ସ୍ୱାସ୍ଥ୍ୟ କେନ୍ଦ୍ରକୁ ଆମ୍ବୁଲାନ୍ସ ସେବା ପ୍ରଦାନ, ଷୋଳପଦା ମହାବିଦ୍ୟାଳୟଠାରେ ବିଶ୍ରାମ ଗାର, ଗ୍ରାମୀଣ ପାର୍କ ନିର୍ମାଣ ଓ କୃତିବସପୁର ପଞ୍ଚାୟତର ବନମାଳୀ ପୁରଠାରେ କଲ୍ୟାଣ ମଣ୍ଡପ ଓ ଗ୍ରାମ କୋଠାଘରକୁ ଆଠମଲ୍ଲିକ ବିଧାୟକ ରମେଶ ଚନ୍ଦ୍ର ସାଏ ମୁଖ୍ୟ ଅତିଥି ରୂପେ ଯୋଗଦେଇ ଆନୁଷ୍ଠାନିକ ଭାବେ ଫିତା କାଟି ଉଦଘାଟନ କରିଥିଲେ ।
ଉକ୍ତ ଉଦଘାଟନ ଉତ୍ସବରେ ସମ୍ମାନୀୟ ଅତିଥି ଭାବେ ଆଠମଲ୍ଲିକ ଗୋଷ୍ଟି ଉନ୍ନୟନ ଅଧିକାରୀ ସନ୍ତୋଷ କୁମାର ସାହୁ, ଏସଡିଏମଓ ଡକ୍ଟର ସୁନିଲି କୁମାର ପଣ୍ଡା, ବ୍ଲକ ଅଧ୍ୟକ୍ଷା ମିନାକ୍ଷୀ ଦଳାଇ, ୬ ନମ୍ବର ଯୋନର ଜିଲ୍ଲା ପରିଷଦ ବୈଜୟନ୍ତି ଦେହୁରୀ, ଠାକୁରଗଡ଼ ସରପଞ୍ଚ ପ୍ରତାପ ଚନ୍ଦ୍ର ସାହୁ, ଠାକୁରଗଡ଼ ସମିତି ସଭ୍ୟ ଅଞ୍ଜଳି ସାହୁ, କୃତିବାସପୁର ସରପଞ୍ଚ ନନ୍ଦିନୀ ସାହୁ, କୃତିବାସପୁର ସମିତି ସଭ୍ୟ ବୈଲୋଚନ ସାହୁ, ବିଜେଡି ବ୍ଲକ ସଭାପତି ବୃନ୍ଦାବନ ସାହୁ, ବିଧାୟକଙ୍କ ନମୁନି କ୍ଷୀରୋଦ ଚନ୍ଦ୍ର ବଘାର, ମଇମୁରା ସରପଞ୍ଚ ସତ୍ୟାନନ୍ଦ ରାଉତ, ଯୁବନେତା ସିଧେଶ୍ୱର ସାହୁ, କୈଳାଶ ଚନ୍ଦ୍ର ସାହୁ, ପ୍ରଭାକର ସାହୁ ଓ ସୁରେଶ ଚନ୍ଦ୍ର ସାହୁ ସମ୍ମାନିତ ଅତିଥି ଭାବେ ଯୋଗଦେଇଥିଲେ । ଉକ୍ତ କାର୍ୟ୍ୟକ୍ରମରେ ବିଜେଡିର ଯୁବ କର୍ମୀମାନେ ସମ୍ପୂର୍ଣ୍ଣ ସହଯୋଗ କରିଥିବା ଦେଖିବାକୁ ମିଳିଛି ।