ବାଲେଶ୍ଵର,(ନାଗରାଜ ନ୍ୟୁଜ): ବାଲେଶ୍ୱର ଜିଲ୍ଲା ସିମୁଳିଆ ଥାନା ଅନ୍ତର୍ଗତ ଅନ୍ତରା ପଞ୍ଚାୟତ ପ୍ରାର୍ଥୀ ଗ୍ରାମରେ ବିଭତ୍ସ ହତ୍ୟାକାଣ୍ଡ । ସୂଚନାରୁ ପ୍ରକାଶ ଅନ୍ତରା ପଞ୍ଚାୟତ ପ୍ରାର୍ଥୀ ଗ୍ରାମରେ ଜଗନ୍ନାଥ ଦାସଙ୍କ ପୁଅ ମନୋରଞ୍ଜନ ଦାସ ତାଙ୍କ ସ୍ତ୍ରୀକୁ ନିର୍ମମ ଭାବେ କଟୁରୀ ସାହାଯ୍ୟରେ ହାଣି ହତ୍ୟା କରିଛନ୍ତି । ମନୋରଞ୍ଜନ ଦାସ ଏବଂ ସ୍ତ୍ରୀ ଯଶୋଦା ଦାସଙ୍କ ମଧ୍ୟରେ ଦୀର୍ଘଦିନ ଧରି ପାରିବାରିକ ବିଶୃଙ୍ଖଳା ଲାଗି ରହିଥିବା ବେଳେ ମନୋରଞ୍ଜନ ସବୁବେଳେ ଯଶୋଦାଙ୍କୁ ମାରପିଟ କରନ୍ତି ।ଆଜି ତା ୨୯/୬/୨୨ରିଖ ଦିନ ୩ଟା ସମୟରେ ଉଭୟ ସ୍ୱାମୀ ସ୍ତ୍ରୀଙ୍କ ମଧ୍ୟରେ କଳହ ଆରମ୍ଭ ହୋଇଥିଲା । ଏଥିରେ ଯଶୋଦାଙ୍କ ଝିଅ ବାପା ମନୋରଞ୍ଜନଙ୍କୁ ପ୍ରତିବାଦ କରିବାରୁ ପ୍ରଥମେ କଟୁରୀ ଧରି ଝିଅକୁ ହାଣିବାକୁ ଗୋଡ଼ାଇଥିଲା । ଯଶୋଦା ସ୍ୱାମୀକୁ ପ୍ରତିରୋଧ କରିବାରୁ ମନୋରଞ୍ଜନ ଅତି ନୃଶଂସ ଭାବେ ହାଣିବାକୁ ଗୋଡ଼ାଇବାରୁ ଯଶୋଦା ବିଲକୁ ଦୌଡ଼ି ପଳେଇ ଯିବା ସମୟରେ କଟୁରି ଦ୍ୱାରା ପଛରୁ ହାଣିଥିଲା । ଆଘାତ ପାଇ ଯଶୋଦା ବିଲରେ ପଡିଯିବା ପରେ ମନୋରଞ୍ଜନ ବାରମ୍ବାର କଟୁରୀରେ ହାଣି ମୁଣ୍ଡ ଏବଂ ମୁଁହକୁ ରକ୍ତାକ୍ତ କରିବା ସହ ଅତି ବିଭତ୍ସ ଭାବରେ ହତ୍ୟା କରିଛି । ମୃତ ଯଶୋଦା ହେଉଛନ୍ତି ଭଦ୍ରକ ଜିଲ୍ଲା ବାଣୀତିଆ ଗ୍ରାମର ଆନ ଯେନାଙ୍କ ଝିଅ ବୋଲି ଜଣାପଡିଛି । ମୃତ ଯଶୋଦାଙ୍କୁ ୩୪ ବର୍ଷ ହୋଇଥିଲା ବେଳେ ତାଙ୍କର ଗୋଟିଏ ଝିଅ (୧୪) ଏବଂ ଗୋଟିଏ ପୁଅ (୧୨) ଥିବା ଖବର ସଂଗ୍ରହରୁ ଜଣାପଡିଛି ।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ