ଢେଙ୍କାନାଳ, (ନାଗରାଜ ନ୍ୟୁଜ): ମଦର ଟେରେସା ଇଣ୍ଟରନ୍ୟାସିନାଲ ଫାଉଣ୍ଡେସର ରାଜ୍ୟସ୍ତରୀୟ କର୍ମୀ ସମ୍ମିଳନୀ ଅନୁଷ୍ଠିତ ହୋଇଯାଇଛି । ଗତ ରବିବାର ବଡ଼ଦାଣ୍ଡ ସ୍ଥିତ ଅନ୍ନପୂର୍ଣ୍ଣା ରଙ୍ଗମଞ୍ଚ ପରିସରରେ ଆୟୋଜିତ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ବିଧାୟକ ଜୟନ୍ତ କୁମାର ଷଡଙ୍ଗୀ ଯୋଗ ଦେଇଥିଲେ । ଅନ୍ୟମାନଙ୍କ ମଧ୍ୟରେ ସୁବାସ ଚନ୍ଦ୍ର ସାହୁ, ଅମ୍ବୁଜା ସାହୁ, ରାମଚନ୍ଦ୍ର ପଣ୍ଡା, ସୌମ୍ୟପ୍ରଭା ସାହୁ, ଦିବ୍ୟରଜ୍ ଜେନା, ଶ୍ୟାମପ୍ରକାଶ ସେନାପତି ପ୍ରମୁଖ ଉପସ୍ଥିତ ଥିଲେ । ଅନୁଷ୍ଠାନର ସମାଜସେବା କାର୍ଯ୍ୟ ଆଲୋଚନା ହେବା ସହିତ ଅନୁଷ୍ଠାନର ରାଜ୍ୟ ସ୍ତରୀୟ ସଭ୍ୟମାନଙ୍କୁ ପଦପଦବୀର ପ୍ରମାଣ ପତ୍ର ପ୍ରଦାନ କରାଯାଇଥିଲା ।
ଏଥିସହିତ ସାମ୍ବାଦିକ ଓ ସ୍ୱଚ୍ଛ ସାଥିମାନଙ୍କୁ ମାନପତ୍ର ସହ କରୋନା ଯୋଦ୍ଧା ସମ୍ମାନରେ ସମ୍ମାନିତ କରାଯାଇଥିଲା । ଅନୁଷ୍ଠାନ ଅଧ୍ୟକ୍ଷ ମୋହନ ପରିଡା ନିମନ୍ତ୍ରିତ ଅତିଥିମାନଙ୍କୁ ସମ୍ମାନୀତ କରିଥିବା ବେଳେ ରାଜ୍ୟ ସାଧାରଣ ସମ୍ପାଦକ ରମେଶ ଚନ୍ଦ୍ର ସାହୁ ସଭାକାର୍ଯ୍ୟ ପରିଚାଳନା କରିଥିଲେ । ପୁରୀ ବଡଦାଣ୍ଡରର ଅନ୍ନପୂର୍ଣ୍ଣା ଥିଏଟର ଠାରେ ମଦର ଟେରେସା ଇଣ୍ଟରନ୍ୟାସିନାଲ ଫାଉଣ୍ଡେସନ ପକ୍ଷରୁ ଆୟୋଜିତ କାର୍ଯ୍ୟକ୍ରମରେ ପୁରୀର ଜନପ୍ରିୟ ବିଧାୟକ ଜୟନ୍ତ କୁମାର ଷଡ଼ଙ୍ଗୀ ଦ୍ୱାରା ସଭାପତି ପ୍ରଦୀପ କୁମାର ଦାସଙ୍କ ସହିତ ଗଁଦିଆ ଡ଼ିଜିଟାଲ ମିଡ଼ିଆ ଓ ପ୍ରେସ କ୍ଳବର ମହେନ୍ଦ୍ର ସାହୁ, ବାଦଲ ମହାନ୍ତି, ସୋମ୍ୟରଞ୍ଜନ ମହାନ୍ତି, ଅକ୍ଷୟ ପାତ୍ର, ମନୋଜ ନାୟକ, ସୁଦାମ ସାହୁ, ଦିବ୍ୟରଞ୍ଜନ ମହାନ୍ତି, ସୁନିତା ବେହେରା, ଲକ୍ଷ୍ମୀଧର ରାଉତ, କାଁହୁ ଚରଣ ନାୟକ ଓ ସରୋଜ ନାୟକଙ୍କୁ କରୋନା ଯୋଦ୍ଧାର ମାନପତ୍ର ପ୍ରଦାନ କରାଯାଇଥିଲା । ପୁରୀର ପ୍ରିୟ ବିଧାୟକ ଜୟନ୍ତ କୁମାର ଷଡ଼ଙ୍ଗୀ ଓ ସଂଗଠନର ରାଜ୍ୟ ସାଦାରଣ ସମ୍ପାଦକ ରମେଶ ସାହୁଙ୍କୁ ଆନ୍ତରିକ ଧନ୍ୟବାଦ ଜଣାଇଛନ୍ତି ।