ବାରଙ୍ଗ, (ନାଗରାଜ ନ୍ୟୁଜ ): କରୋନା କଟକଣା ମଧ୍ୟରେ ଆଜି ନନ୍ଦନକାନନ ଚିଡ଼ିଆଖାନାରେ ପାଳିତ ହୋଇଥିଲା ୬୨ ତମ ପ୍ରତିଷ୍ଠା ଦିବସ । ଆଉ ଏହି ପ୍ରତିଷ୍ଠା ଦିନରେ ନନ୍ଦନକାନନରେ ଜନ୍ମ ହୋଇଥିବା ୬ଟି ବାଘ ଛୁଆଙ୍କର ନାମକରଣ କରାଯାଇ ଖୁଆଡ଼କୁ ଛଡ଼ାଯାଇଥିଲା । ସେହି ବାଘ ଛୁଆଙ୍କ ନାମ ବିବେକ, ସୋହିନୀ, ଅଭୟ,ରକି, ବଂଶୀ ଓ ରେଖା । ଏହି ଅବସରରେ ନନ୍ଦନକାନନ ଚିଡିଆଖାନା କିଭଳି ବିଶ୍ଵସ୍ତରୀୟ ହୋଇପାରିବ ସେନେଇ ବିଭିନ୍ନ ପ୍ରସଙ୍ଗ ଉପରେ ଆଲୋଚନା କରିଥିଲେ ପିସିସିଏଫ ଶିଶିର କୁମାର ରଥ ।
ବିଶ୍ଵସ୍ତରୀୟ ହେବ ନନ୍ଦନକାନନ ଚିଡିଆଖାନା । ଏନେଇ ପ୍ରସ୍ତୁତ ହେଉଛି ରୂପରେଖ । ଏହା ସହ ଆଗାମୀ ଦିନରେ ଦେଶ ତଥା ବିଦେଶରେ ଥିବା ଚିଡିଆଖାନାକୁ ବନ୍ୟଜନ୍ତୁ ଆଣିବା ନେଇ ମଧ୍ୟ ଯୋଜନା ରହିଛି । ପ୍ରାଣୀ ଉଦ୍ୟାନ ସହ ଉଦ୍ଭିଦ ଉଦ୍ୟାନର ସୌନ୍ଦର୍ୟ୍ୟକରଣ କରାଯିବ ଓ ନନ୍ଦନକାନନ କତ୍ତୃପକ୍ଷଙ୍କୁ ଏନେଇ ଏକ ରିପୋର୍ଟ ମାଗିଛନ୍ତି ରାଜ୍ୟ ସରକାର ।