ବାଲେଶ୍ବର, (ନାଗରାଜ ନ୍ଯୁଜ): ବିଶ୍ବ ଫଟୋଗ୍ରାଫି ଦିବସ ଉପଲକ୍ଷେ ” ମୋ ଅନୁଷ୍ଠାନ ସାହିତ୍ୟ ସଂସଦ ” ଆଳଦା, ଖଇରା,ବାଲେଶ୍ବର ଫେସବୁକ୍ ଗୃପ୍ ଦ୍ବାରା ଅନଲାଇନ୍ ଫଟୋ ପ୍ରତିଯୋଗିତା ଅନୁଷ୍ଠିତ ହୋଇଥିଲା । ଏଥିରେ ଓଡିଶାର ବିଭିନ୍ନ ଜିଲ୍ଲାରୁ ପ୍ରତିଯୋଗୀମାନେ ଭାଗନେଇ ପ୍ରଥମ,ଦ୍ବିତୀୟ ଓ ତୃତୀୟ ସ୍ଥାନ ଅଧିକାର କରିବାରେ ସକ୍ଷମ ହୋଇଥିଲେ ।
ଏଥର ଢେଙ୍କାନାଳ, ସୁନ୍ଦରଗଡ଼, ନବରଙ୍ଗପୁର, ଜଗତସିଂହପୁର, ବାଲେଶ୍ବର, ଭଦ୍ରକ, ଖୋର୍ଦ୍ଧା ଓ ମୟୂରଭଞ୍ଜରୁ ମୋଟ ୯ ଜଣ ପ୍ରତିଯୋଗୀ ଅଂଶ ଗ୍ରହଣ କରିଥିଲେ । ସେଥିମଧ୍ୟରୁ ସୁନ୍ଦରଗଡ଼ ଜିଲ୍ଲା ରାଉରକେଲାରୁ ସୁସ୍ମିତା ମହାପାତ୍ର ୧ମ, ବାଲେଶ୍ବର ଜିଲ୍ଲା ବାଲିଖଣ୍ଡରୁ ଯାଜ୍ଞସେନୀ ପଣ୍ଡା ୨ୟ ଓ ରୀତାଅପରାଜିତା ମହାନ୍ତି ଖୋର୍ଦ୍ଧା ଜିଲ୍ଲାରୁ ତୃତୀୟ ସ୍ଥାନ ଅଧିକାର କରି ସନ୍ତୁଷ୍ଟ ହୋଇଛନ୍ତି । ଏଥର ପ୍ରତିଯୋଗୀ ମାନଙ୍କ ପାଇଁ କୌଣସି ପୁରସ୍କାରର ବ୍ଯବସ୍ଥା ନାହିଁ ।
ଯଦି ଭବିଷ୍ୟତରେ ବ୍ଯବସ୍ଥା ହୁଏ ଦିଆଯିବ ବୋଲି ସମ୍ପାଦକ ନରେନ୍ଦ୍ର ପ୍ରସାଦ ବେହେରା ଘୋଷଣା କରିଛନ୍ତି । ସବୁଠାରୁ ବଡ଼ ଆଶ୍ଚର୍ଯ୍ୟ କଥା ବିଭିନ୍ନ କାର୍ଯ୍ୟରେ ବ୍ଯସ୍ତତା ଥାଇ ସମୟ ବାହାରକରି ଅନୁଷ୍ଠାନର ସମ୍ପାଦକ ତଥା ମୁଖ୍ୟ ସମୀକ୍ଷକ ନାରାୟଣ ଚନ୍ଦ୍ର ସେନାପତି ଫଟୋ ଗୁଡିକୁ ସମୀକ୍ଷା କରିଥିବାରୁ ତାଙ୍କୁ ମୋ ଅନୁଷ୍ଠାନ ତରଫରୁ ଅଭିନନ୍ଦନ ଓ ଶୁଭେଚ୍ଛା ପ୍ରଦାନ କରାଯାଇଛି ।
ବାଲେଶ୍ବରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ ନାଗରାଜ ନ୍ଯୁଜ