ଢେଙ୍କନାଳ, (ନାଗରାଜ ନ୍ୟୁଜ): ଢେଙ୍କାନାଳ ଜିଲ୍ଲା ଗଁଦିଆ ବ୍ଲକ ଅନ୍ତର୍ଗତ ଅଗ୍ରଣୀ ପିଙ୍ଗୁଆ ଡିଗ୍ରୀ କଲେଜରେ ପ୍ରଥମ ବର୍ଷ ଛାତ୍ରଛାତ୍ରୀ ମାନଙ୍କର ଉଦେଶ୍ୟରେ ଏକ ସ୍ୱାଗତ ସମ୍ବର୍ଦ୍ଧନା ଉତ୍ସବ ଅନୁଷ୍ଠିତ ହୋଇଯାଇଛି । ଉକ୍ତ ଉତ୍ସବକୁ କଲେଜର ଅଧ୍ୟକ୍ଷ ଭଗବାନ ମିଶ୍ର ଆନୁଷ୍ଠାନିକ ଭାବେ ପ୍ରଦୀପ ପ୍ରଜ୍ୱଳନ କରି ଉଦଘାଟନ କରିଥିଲେ । ଓଡ଼ିଆ ବିଭାଗର ଅଧ୍ୟାପକ ଦୀପ୍ତିରଞ୍ଜନ ମହାଳିକଙ୍କ ସଂଯୋଜନାରେ ଅନୁଷ୍ଠିତ ଉତ୍ସବରେ ଇଂରାଜୀ ବିଭାଗର ବରିଷ୍ଟ ଅଧ୍ୟାପକ ମହେଶ୍ଵର ବେହେରା ମୁଖ୍ୟବକ୍ତା ଛାତ୍ରଛାତ୍ରୀ ମାନଙ୍କୁ ମାର୍ଗଦର୍ଶନ କରାଇଥିଲେ । ଅନ୍ୟତମ ସମ୍ମାନୀତ ଅତିଥୀ ଅଧ୍ୟାପକ ରାମନାରାୟଣ ରାଉତ, ବାବୁଲି ସାହୁ, ରାଜେନ୍ଦ୍ର ପ୍ରସାଦ ରାଉତ, ଅଧ୍ୟାପିକା ଦ୍ରୌପଦୀ ରାଉତ ଯୋଗଦେଇଥିଲେ । ବିଶେଷ ଅତିଥୀ ଭାବେ +୨ ଶ୍ରୀଜଗନ୍ନାଥ ଉଚ୍ଚ ମାଧ୍ୟମିକ ବିଦ୍ୟାଳୟର ନୂତନ ଭାବେ ଯୋଗଦେଇଥିବା ସଂସ୍କୃତ ବିଭାଗର ଅଧ୍ୟାପିକା କୁମାରୀ ସଂଗୀତାରାଣୀ ବାରିକଙ୍କୁ କଲେଜ ତରଫରୁ ଭବ୍ୟ ସ୍ୱାଗତ ସମ୍ବର୍ଦ୍ଧନା କରାଯାଇଥିଲା ।
ପ୍ରଥମ ବର୍ଷର ଛାତ୍ରଛାତ୍ରୀମାନଙ୍କ ଉଦେଶ୍ୟରେ ସ୍ୱାଗତ ସଂଗୀତ ସହିତ ପୁଷ୍ପଗୁଚ୍ଛ ଉପହାର ପ୍ରଦାନ କରି ଧୂପଦୀପ ମାଧ୍ୟମ ରେ ବନ୍ଦାପନା କରାଯାଇ ଆନୁଷ୍ଠାନିକ ଭାବେ ସ୍ୱାଗତ କରାଯାଇଥିଲା । +୩ ଶେଷବର୍ଷର ଛାତ୍ରୀ ଲକ୍ଷ୍ମୀପ୍ରିୟା ସାହୁ, +୩ଦ୍ୱିତୀୟ ବର୍ଷର ଛାତ୍ରୀ ସ୍ୱର୍ଣ୍ଣପ୍ରଭା ରାଉତ, +୩ପ୍ରଥମ ବର୍ଷର ଛାତ୍ରୀ ଜ୍ୟୋତ୍ରିମାୟୀ ମାହାଳିକ, ଲକ୍ଷ୍ମୀପ୍ରିୟା ସାହୁ ଓ ଛାତ୍ର ଦୁଷ୍ମନ୍ତ ସାହୁ ନିଜର ଅନୁଭୂତି ପ୍ରଦାନ କରିଥିଲେ । ଶେଷବର୍ଷର ଛାତ୍ରୀ ସସ୍ମିତା ସାହୁ ଧନ୍ୟବାଦ ପ୍ରଦାନକରିଥିଲେ । ଶେଷରେ ଛାତ୍ରଛାତ୍ରୀମାନଙ୍କ ଦ୍ୱାରା ସାଂସ୍କୃତିକ କାର୍ୟ୍ୟକ୍ରମ ଆୟୋଜନ କରାଯାଇଥିଲା । ପରସ୍ପର ମାଧ୍ୟରେ ଭାଇଚାରା ସୃଷ୍ଟି ପାଇଁ ଏକତ୍ର ଭୋଜନର ବ୍ୟବସ୍ଥା କରାଯାଇଥିଲା ।