କଟକ, (ନାଗରାଜ ନ୍ୟୁଜ): ଦିନ କେଇଟା ପରେ ପଂଚାୟତ ନିର୍ବାଚନ । ଗାଁ ଗାଁ ରେ ରାଜନୀତି ସରଗରମ ହୋଇଥିବା ବେଳେ ଏବେ ଗାଁ ଗାଁ ରେ ରାଜନୈତିକ ହିଂସା ମଧ୍ୟ ଦେଖିବାକୁ ମିଳିଛି । ଏହିଭଳି ଘଟଣା ଘଟିଛି ନରସିଂହପୁର ଥାନା ଅନ୍ତର୍ଗତ କାଠଖୁଣ୍ଟ ଗ୍ରାମରେ । କାଠଖୁଣ୍ଟ ଗ୍ରାମର ଜଣେ ସ୍ୱାଧୀନ ସରପଞ୍ଚ ପ୍ରାର୍ଥୀ ସୁଶୀଲ କୁମାର ମଲିକ ଙ୍କ ଘର ଉପରକୁ ରାତି ଅଧିଆ ବୋମା ମାଡ଼ କରାଯାଇଥିବା ସୂଚନା ମିଳିଛି । ରାତ୍ରି ପ୍ରାୟ ୨.୪୫ସମୟରେ ଘରେ ଶୋଇଥିବା ବେଳେ 3 ଜଣ ଏକ ଧଳା ରଙ୍ଗର କାର ରେ ଆସି ଏଭଳି ଘଟଣା ଘଟାଇଥିବା ସୁଶୀଲ ମଲ୍ଲିକ କହିଛନ୍ତି । ସୂଚନା ଅନୁଯାୟୀ ଦୁଇଦିନ ପୂର୍ବରୁ ମଧ୍ୟ ତାଙ୍କ ପ୍ରଚାର ଗାଡିକୁ ଭଙ୍ଗାରୁଜା କରିବା ସହ ତାଙ୍କ ଡ୍ରାଇଭରଙ୍କୁ ମଧ୍ୟ ଧମକ ଦିଆଯାଇଥିଲା । ଏନେଇ ଏକ ଏତଲା ମଧ୍ୟ ସେ ନରସିଂହପୁର ଥାନା ରେ କରିଥିଲେ । ଅନ୍ୟ ଜଣେ ସରପଞ୍ଚ ପ୍ରାର୍ଥୀନୀ ଲିପିନା ନାୟକଙ୍କ ସମର୍ଥକ ଏପରି କରିଥିବା କଥା କହିଛନ୍ତି ସୁଶୀଲ। ତେବେ ଆଉ ଦୁଇ ଦିନ ପରେ ପଂଚାୟତ ନିର୍ବାଚନ।ଏ ନେଇ ନରସିଂହପୁର ପୋଲିସ ପ୍ରଶାସନ କେତେ ସଜାଗ ଓ କେତେ ପ୍ରସ୍ତୁତ ଏଥିରୁ ଅନୁମାନ କରାଯାଉଛି ।