ଭୂବନେଶ୍ୱର, (ନାଗରାଜ ନ୍ୟୁଜ): ପୋଖରିରେ ବୁଡିଯାଉଥିବା ୫ ବର୍ଷର ନାବାଳିକାର ପ୍ରାଣ ବଞ୍ଚାଇ ପ୍ରଶଂସା ସାଉଁଟିଲା ୭ ବର୍ଷର ନାବାଳିକା । ଏଭଳି ଘଟଣା ନନ୍ଦନକାନନ ଥାନା ଅଧିନ ରଘୁନାଥପୁର ଗ୍ରାମରେ ଦେଖିବାକୁ ମିଳିଛି । ସକାଳେ ରଘୁନାଥପୁର ଶିଖର ଚଣ୍ଡୀ ପୋଖରି ଶୁଭଶ୍ରୀ ରାଉତ(୯) ଓ ଖୁସୀ ରାଉତ (୫) ସାହି ପଡ଼ିଶା କିଛି ଲୋକଙ୍କ ଉପସ୍ଥିତିରେ ଗାଧୋଉଥିଲେ ।
ସମସ୍ତେ ପରସ୍ପର ମଧ୍ୟରେ କଥୋପ କଥନରେ ଅନ୍ୟମନସ୍କ ଥିଲେ । ଏହି ସମୟରେ ଖୁସୀ ପାଣିରେ ବୁଡି ଯାଉଥିବାର ଦେଖି ଶୁଭଶ୍ରୀ ଉପସ୍ଥିତ ବୁଦ୍ଧି ଖଟାଇ କିଛି ବାଟ ପାଣି ଭିତରକୁ ପସିଯାଇଥିଲା । ଖୁସିର ହାତ ଧରି ଟାଣିବା ସହ ଚିତ୍କାର କରିଥିଲା । ଉପସ୍ଥିତ ଅନ୍ୟମାନେ ଦୁଇ ନାବାଳିକାଙ୍କୁ ତୁଠ ଉପରକୁ ଆଣିଥିଲେ। କୁନି ପିଲା ଶ୍ରଭଶ୍ରୀର ଉପସ୍ଥିତ ବୁଦ୍ଧି ପାଇଁ ଖୁସିର ପ୍ରାଣ ବଞ୍ଚିଲା ବୋଲି କହି ସମସ୍ତେ ପ୍ରଶଂସା କରିଥିଲେ ।