ରାଉଲକେଲା, (ଅମ୍ରିତା ପ୍ରିୟଦର୍ଶିନୀ): ରାଉରକେଲାର ପ୍ଲାଣ୍ଟ ସାଇଟ୍ ଥାନା ଅନ୍ତର୍ଗତ ଗୋପବନ୍ଧୁପାଲି ବଡପାର୍କ ଅଞ୍ଚଳର ୪ଜଣ ଯୁବକ ଏକତ୍ରିତ ହୋଇ ଡକାୟତି ଯୋଜନା କରୁଥିବା ସମ୍ପର୍କରେ ପୋଲିସକୁ ସୂଚନା ମିଳିଥିଲା । ଏହାପରେ ରାତ୍ରି ପ୍ରେଟ୍ରୋଲିଂ ସମୟରେ ପୋଲିସ କର୍ମୀ ମାନେ ବଦପାର୍କ ଅଞ୍ଚଳରେ ଚଢ଼ାଉ କରି ୪ ଅଭିଯୁକ୍ତ ମାନଙ୍କୁ ଗିରଫ କରିଥିଲେ । ଗିରଫ ହୋଇଥିବା ଅଭିଯୁକ୍ତ ମାନେ ହେଲେ ବିକି ସାହୁ, ରାମ କୁମାର ସିଂ, ରଞ୍ଜିତ ଯାଦବ ଓ ସାଗର ନାଗ୍ । ଉକ୍ତ ଅଭିଯୁକ୍ତ ମାନଙ୍କ ପାଖରୁ ଗୋଟେ ବନ୍ଧୁକ ସହିତ ଡକାୟତି ପାଇଁ ବ୍ୟବହୃତ ଅନ୍ୟାନ୍ୟ ସାମଗ୍ରୀ ମଧ୍ୟ ଜବତ କରାଯାଇଥିଲା ।
ଏ ସମ୍ପର୍କରେ ପ୍ଲାଣ୍ଟସାଇଟ୍ ଥାନାରେ ଏକ ସାମ୍ୱାଦିକ ସମ୍ମିଳନୀ ମାଧ୍ୟମରେ ସୂଚନା ଦିଆଯାଇଥିଲା।ସୂଚନାଯୋଗ୍ୟ ଏହି ୪ ଜଣ ଅଭିଯୁକ୍ତ ସହରର ମୁଖ୍ୟ ରାସ୍ତାରେ ଥିବା ପୁରୁଣା ଟ୍ୟାକ୍ସି ଷ୍ଟାଣ୍ଡ ଅଞ୍ଚଳର ଏକ ସୁନାଗହଣା ଦୋକାନରୁ ଡକାୟତି କରିବା ପାଇଁ ଯୋଜନା କରୁଥିବାର ସ୍ବୀକାର କରିଥିଲେ । ଏହି ୪ ଜଣଙ୍କୁ ପୋଲିସ ଗିରଫ କରି କୋର୍ଟ ଚାଲାଣ କରିଛି ।