କଟକ, (ନାଗରାଜ ନ୍ୟୁଜ ): ଆସନ୍ତା ୨୮ ତାରିଖରୁ ଆରମ୍ଭ ହେବ ୧୯ ବର୍ଷରୁ କମ ଟି୨୦ ମହିଳା କ୍ରିକେଟ । ବିସିସିଆଇର ଗ୍ରୀନ ସିଗ୍ନାଲ ପରେ ପ୍ଲେଟ ଗ୍ରୁପ ମ୍ୟାଚକୁ ୩ଟି ଗ୍ରାଉଣ୍ଡରେ ଆୟୋଜନ କରିବ ଓସିଏ । ସମସ୍ତ ମ୍ୟାଚ ଭୁବନେଶ୍ୱରର ବିକାଶ ସ୍କୁଲ ଗ୍ରାଉଣ୍ଡ କିଟ ଓ ରେଳବାଇ ଗ୍ରାଉଣ୍ଡରେ ଖେଳାଯିବ । ତେବେ ଏନେଇ ୬ଟି ଟିମ ଓଡିଶା ପହଞ୍ଚି ସାରିଛନ୍ତି । ସମସ୍ତ ମ୍ୟାଚ ଜୈବ ସୁରକ୍ଷା ବଳୟ(ବିଓ ବୁବଲ) ମଧ୍ୟରେ ଖେଳାଯିବ । ଏନେଇ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ଓସିଏ ସମ୍ପାଦକ ସଞ୍ଜୟ ବେହେରା । ନାଗାଲାଣ୍ଡ, ଜାମ୍ମୁକାଶ୍ମୀର, ସିକିମ, ଅରୁଣାଚଳ ପ୍ରଦେଶ, ମେଘାଳୟ ଓ ମଣିପୁର ଟିମ ଓଡିଶାରେ ପହଞ୍ଚି ସାରିଛନ୍ତି । ସମସ୍ତ ମ୍ୟାଚ ୩ଟି ପଡିଆରେ ଖେଳାଯିବ । କିଟ୍ ୟୁନିଭର୍ସିଟି ଗ୍ରାଉଣ୍ଡ, ଇଷ୍ଟକୋଷ୍ଟ ରେଲେୱ ଗ୍ରାଉଣ୍ଡ ଓ ବିକାଶ ସ୍କୁଲ ଗ୍ରାଉଣ୍ଡରେ ମ୍ୟାଚ ଖେଳାଯିବ ବୋଲି ବିସିସିଆଇ ନିଷ୍ପତ୍ତି ନେଇଛି ।