ଖଇରା,(ନାଗରାଜ ନ୍ୟୁଜ): ଆଞ୍ଚଳିକ ବ୍ରାହ୍ମଣ ସମିତି ଖଇରାର ଏକାଦଶତମ ବାର୍ଷିକ ଭ୍ରାମ୍ଯମାଣ ବ୍ରହ୍ମଯଜ୍ଞ ପ୍ରତିବର୍ଷ ପରି ଏବର୍ଷ ବାଲେଶ୍ବର ଜିଲ୍ଲା ଖଇରା ବ୍ଲକ ନୟାଖଣ୍ଡି ପଞ୍ଚାୟତ ବେଗୁନିଆ ଠାରେ ଅନୁଷ୍ଠିତ ହୋଇଯାଇଛି । ଏହି ଯଜ୍ଞ ତା ୦୭/୫/୨୦୨୨ ରିଖ ଏବଂ ତା ୦୮/୫/୨୦୨୨ ରିଖ ଦୁଇଦିନ ଧରି ଅନୁଷ୍ଠିତ ହୋଇଥିଲା । ବିଭିନ୍ନ ଅଞ୍ଚଳରୁ ପଣ୍ଡିତ ମାନେ ଆସି ଏଥିରେ ଯୋଗ ଦେଇଥିଲେ । ଅଭିଜ୍ଞ ପଣ୍ଡିତ ମାନଙ୍କ ଦ୍ବାରା ହୋମଯଜ୍ଞ କରାଯାଇଥିଲା । ପ୍ରତ୍ୟେକ ବର୍ଷ ଅଞ୍ଚଳର ବିଭିନ୍ନ ସ୍ଥାନରେ ଏହି ଯଜ୍ଞ ଅନୁଷ୍ଠିତ ହୋଇଥାଏ । ଏହି ଉପଲକ୍ଷେ ପଣ୍ଡିତ କୃଷ୍ଣ ଚନ୍ଦ୍ର ପତ୍ରୀଙ୍କ ସଭାପତିତ୍ବରେ ଅନୁଷ୍ଠିତ ସଭାରେ ବିଭିନ୍ନ ସ୍ଥାନରୁ ଆସିଥିବା ଅତିଥି ମାନେ ମଞ୍ଚାସୀନ ହୋଇ ବକ୍ତବ୍ୟ ପ୍ରଦାନ କରିଥିଲେ । ସମିତିର ସମ୍ପାଦକ ରମାକାନ୍ତ ଶତପଥୀ କେବଳ ବ୍ରାହ୍ମଣ ନୁହେଁ ସବୁବର୍ଗର ବ୍ୟକ୍ତି ବିଶେଷ କାର୍ଯ୍ୟକ୍ରମକୁ ସହଯୋଗ କରିପାରିବେ ବୋଲି ବକ୍ତବ୍ୟରେ କହିଥିଲେ । ବେଗୁନିଆ ଗ୍ରାମବାସୀମାନେ ଅନୁଷ୍ଠିତ ଦୁଇଦିନିଆ କାର୍ଯ୍ୟକ୍ରମକୁ ପୂର୍ଣ୍ଣ ସହଯୋଗ କରିଥିଲେ ।
ବାଲେଶ୍ବର ଖଇରାରୁ ଲୋଚନ ରାଉତଙ୍କ ରିପୋର୍ଟ