ସୁନ୍ଦରଗଡ଼,(ନାଗରାଜ ନ୍ୟୁଜ): ସୁନ୍ଦରଗଡ଼ ଜିଲ୍ଲାର ବଡ଼ଗାଁ ଥାନା ଅଧୀନରେ ଥିବା ରାଏଡିହି ଠାରେ ବସ୍ କାର୍ ମୁହାଁ ମୁହିଁ ଧକ୍କା ହେବାରୁ କାର ଚାଳକଙ୍କ ମୃତ୍ୟୁ ହୋଇଯାଇଛି । ଖବର ନେବାରୁ ଜଣାଯାଇଛିଯେ, ସମ୍ବଲପୁର ଜିଲ୍ଲାର ଜମେନକେରା ଥାନା ଅଧିନସ୍ଥ ଭୋଜପୁରଗୁଦ୍ରାପଡା ବାଢୁନ୍ଚୁଆ ଗ୍ରାମର ଅଜିତ କୁଜୁର ଜଣେ ଫାଦରଙ୍କୁ ଭୋର ସକାଳୁ ଏକ ଇଣ୍ଡିଗୋକାର ଯୋଗେ ରାଜଗାଙ୍ଗପୁର ଛାଡ଼ିବାକୁ ଯାଇଥିଲେ । ଫାଦରଙ୍କୁ ଛାଡି ଘରକୁ ଫେରୁଥିବା ବେଳେ, ବଡ଼ଗାଁ ବାମରା ରାସ୍ତା ମଝିରେ ଥିବା ରାଏଡିହିଠାରେ ଭୁବନେଶ୍ୱରରୁ କୁତ୍ରା ଆସୁଥିବା ମାଁ ଦୂର୍ଗା ଘରୋଇ ବସ୍ କୁ କାର୍ ଟି ମୁହଁମୁହିଁ ଧକ୍କା ହୋଇଥିଲା । ଫଳରେ କାର ଚାଳକକୁ ଗୁରୁତର ଅବସ୍ଥାରେ ଉଦ୍ଧାର କରି ସୁନ୍ଦରଗଡ଼ ଡାକ୍ତରଖାନାକୁ ନେଉଥିବା ବେଳେ ରାସ୍ତାରେ ତା’ର ମୃତ୍ୟୁ ଘଟିଥିଲା ।
ସୁନ୍ଦରଗଡ଼ରୁ ଦଶରଥ ପୋଡ଼ଙ୍କ ରିପୋର୍ଟ