ବାଲେଶ୍ୱର, (ନାଗରାଜ ନ୍ୟୁଜ): ବାଲେଶ୍ୱର ଜିଲ୍ଲା ଖଇରା ତହସିଲ ତୁଡିଗଡିଆ ଆରଆଇ ଅଧିନ ଡାଲଙ୍ଗ-୧ ଗ୍ରାମରେ ଘଟିଯାଇଛି ଅଗ୍ନିକାଣ୍ଡ । ଖବର ସଂଗ୍ରହରୁ ଜଣାପଡିଛି ଗତକାଲି ରାତିରେ ଆନନ୍ଦ ବେହେରାଙ୍କ ପରିବାରର ସମସ୍ତେ ଖାଇପିଇ ଶୋଇଥିଲେ । ରାତି ୩ଟାରେ ଦେଖିବାକୁ ପାଇଥିଲେ, ଗୁହାଳ ଘର ଜଳୁଛି । ପରିବାର ଲୋକଙ୍କ ଚିତ୍କାର ଶୁଣି ପାଖପଡୋଶୀ ଘଟଣା ସ୍ଥଳକୁ ଦୌଡ଼ି ଆସିଥିଲେ ମଧ୍ୟ ଗୁହାଳ ଘରେ ବନ୍ଧା ହୋଇଥିବା ଗୋରୁଙ୍କୁ ଉଦ୍ଧାର କରି ପାରିନଥିଲେ । ଖବରପାଇ ଖଇରା ଦମକଳ ବାହିନୀ ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତ କରିବା ସଙ୍ଗେ ସଙ୍ଗେ ମୃତ ଗୋରୁଙ୍କୁ ଉଦ୍ଧାର କରିଥିଲେ । ଖବରପାଇ ଆଜି ସକାଳେ ତୁଡିଗଡିଆ ଆରଆଇ ଡାଲଙ୍ଗ-୧ ଗ୍ରାମକୁ ଯାଇ ତଦନ୍ତ କରି ଫେରିଛନ୍ତି । ସବୁଠୁ ଦୁଃଖର କଥା ଏଥିରେ ଗୋଟିଏ ଗର୍ଭଣୀ ଗାଈ ଓ ଗୋଟିଏ ବାଛୁରୀ ଜୀବନ୍ତ ଦଗ୍ଧ ହୋଇଯାଇଛନ୍ତି । ଅଗ୍ନିକାଣ୍ଡର କାରଣ ଜଣାପଡି ନାହିଁ । ବିଦ୍ୟୁତ ସର୍ଟସର୍କିଟ ହୋଇଥାଇ ପାରେ ବୋଲି ସନ୍ଦେହ କରାଯାଇଛି । ତେବେ ଆର୍ଥିକ ସହାୟତା ପ୍ରଦାନ ନିମନ୍ତେ ପରିବାର ଲୋକେ ଦାବି କରିଛନ୍ତି ।