ବାଲେଶ୍ୱର, (ନାଗରାଜ ନ୍ୟୁଜ): ବାଲେଶ୍ୱର ଜିଲ୍ଲା ଖଇରା ବ୍ଲକ ଶ୍ୟାମସୁନ୍ଦରପୁର ପଞ୍ଚାୟତ ଗଣ୍ଡିବେଡ ସ୍ଥିତ ବାସଭବନରେ ସ୍ୱର୍ଗତ ଦୟାନିଧି ପ୍ରଧାନଙ୍କ ପ୍ରଥମ ଶ୍ରାଦ୍ଧ ବାର୍ଷିକ ଓ ସ୍ମୃତି ଚାରଣ ସଭା ଅନୁଷ୍ଠିତ ହୋଇଯାଇଛି । ଗଣ୍ଡିବେଡ ଦୁର୍ଗାପୂଜା କମିଟିର ସଭାପତି ଭାଗିରଥି ଦାସଙ୍କ ସଭାପତିତ୍ବରେ ଅନୁଷ୍ଠିତ ସ୍ମୃତି ଚାରଣ ସଭାରେ ସ୍ୱର୍ଗତ ପ୍ରଧାନଙ୍କ ଅମରଆତ୍ମାର ସଦଗତି ନିମନ୍ତେ ଏକ ମିନିଟ ନିରବ ପ୍ରାର୍ଥନା ସହିତ ରାମଧନୁ ଗାନ କରାଯାଇଥିଲା । ସେ ଗଣ୍ଡିବେଡ ଦୁର୍ଗାପୂଜା କମିଟିର କୋଷାଧ୍ୟକ୍ଷ ଥିଲେ ।
ସମାଜସେବା ତାଙ୍କର ବିଭିନ୍ନ ସୁଗୁଣାବଳୀ ଉପରେ ବିଜୟ କେତନ ନାୟକ,କୃଷ୍ଣ ଚନ୍ଦ୍ର ସାହୁ, ପଦ୍ମଲୋଚନ ଜେନା, ରାମ ଚନ୍ଦ୍ର ବେହେରା, ବାବାଜି ଚରଣ ମହାନ୍ତି, ରତ୍ନାକର ମହାନ୍ତି, ପୂର୍ଣ୍ଣ ଚନ୍ଦ୍ର ଦାସ, ଗଜେନ୍ଦ୍ର ମହାନ୍ତି ଓ ନରେନ୍ଦ୍ର ବିଶ୍ୱାଳ ପ୍ରମୁଖ ବକ୍ତବ୍ୟ ରଖିଥିଲେ । ଏଥିରେ ସହଯୋଗ ଦେଇଥିଲେ ଆଞ୍ଚଳିକ ଉନ୍ନୟନ ପରିଷଦ, ଗଣ୍ଡିବେଡ ବଣିକ ସଙ୍ଘ, ଶ୍ୟାମସୁନ୍ଦରପୁର ପଞ୍ଚାୟତବାସୀ, ପରିବାର ବର୍ଗ ଓ ବନ୍ଧୁ ବାନ୍ଧବ । ଶେଷରେ ମାନସ ରାଉଳ ଧନ୍ୟବାଦ ଅର୍ପଣ କରିଥିଲେ ।
