କଟକ, (ଭରତ ମହାରଣା): ମଧୁପାଟଣା ଥାନା ପୋଲିସ ଏକ ମୋଟରସାଇକେଲ ଚୋର ଗ୍ୟାଙ୍ଗକୁ କାବୁ କରିବାରେ ସଫଳ ହୋଇଛି । ମୋଟ ୩ଜଣକୁ ଗିରଫ କରିବା ସହ ସେମାନଙ୍କ ନିକଟରୁ ୮ଟି ଚୋରି ମୋଟରସାଇକେଲ ଜବତ କରିଛି । ଗିରଫ ୩ଜଣ ଅଭିଯୁକ୍ତଙ୍କ ମଧ୍ୟରୁ ୨ଜଣ ନାବାଳକ ଅଟନ୍ତି । ଦୁଇ ଜଣ ନାବାଳକ ଗାଡ଼ିଗୁଡିକ ଚୋରି କରିବା ପରେ ଆଠଗଡ ଅଞ୍ଚଳର କୃଷ୍ଣ ପ୍ରସାଦ ନାୟକ ନାମକ ଜଣେ ଯୁବକଙ୍କୁ ୨ରୁ ୩ ହଜାର ଟଙ୍କାରେ ବିକ୍ରି କରି ଦେଉଥିଲେ ।
ତେବେ କୃଷ୍ଣ ଗାଡ଼ିଗୁଡିକ ନେବା ପରେ ତାର ନମ୍ବର ବଦଳାଇ ଦେବା ସହ ରଙ୍ଗ ମଧ୍ୟ ଆବଶ୍ୟକ ସ୍ଥଳେ ବଦଳାଇ ଦେଉଥିଲେ । ଏସବୁ ଅଭିଯୁକ୍ତଙ୍କ ନାଁରେ ମାମଲା ରୁଜ୍ଜୁ କରାଯାଇ ଅଧିକ ତଦନ୍ତ କରାଯାଉଛି ବୋଲି ସୂଚନା ଦେଇଛନ୍ତି ଜୋନ ୬ ଏସିପି । ତେବେ ଜବତ ଗାଡ଼ିଗୁଡିକର ପ୍ରକୃତ ମାଲିକମାନଙ୍କୁ ଡକା ଯାଇ ଆଜି ଗାଡ଼ିଗୁଡିକ ସେମାନଙ୍କୁ ହସ୍ତାନ୍ତର ମଧ୍ୟ କରାଯାଇଛି ।