ବାଙ୍କୀ, (ନାଗରାଜ ନ୍ୟୁଜ): କୂଅରେ ପଡି ୧୫ ବର୍ଷ ନାବାଳକର ମୃତ୍ୟୁ ହୋଇଛି । ନାବାଳକ ଜଣଙ୍କ ହେଉଛନ୍ତି କିଆପଲ୍ଲା ଗ୍ରାମର ପ୍ରଦୀପ ମୁଦୁଲି । ବାଙ୍କୀ ଥାନା ଅନ୍ତର୍ଗତ ହରିହର ଭେଟ ଠାରେ ଥିବା ଶିଶୁଯତ୍ନ କେନ୍ଦ୍ରରେ ରହି ପାଠ ପଢୁଥିବା ବେଳେ ଗତକାଲି ଅପରାହ୍ଣରେ କ୍ରିକେଟ ଖେଳୁଥିବା ବେଳେ ଅସାବଧାନତା ହେତୁ କୂଅରେ ପଡ଼ି ଯାଇଥିଲେ । ପରେ ବାଳାଶ୍ରମର ଲୋକେ ବାଙ୍କୀ ଦମକଳ ବହିନୀକୁ ଖବର ଦେବା ପରେ ସେ ଘଟଣା ସ୍ଥଳରେ ପହଞ୍ଚି ବାଳକକୁ ଉଦ୍ଧାର କରିଥିଲେ । ଏହାପରେ ବାଳକକୁ ଡାକ୍ତର ମୃତ ଘୋଷଣା କରିଥିଲେ । ତେବେ ପୁଲିସ ମୃତ ଦେହ ବ୍ୟବଚ୍ଛେଦ ପାଇଁ ବାଙ୍କୀ ଉପଖଣ୍ଡ ମେଡିକାଲରେ ଭର୍ତ୍ତି କରିଛନ୍ତି ।