ପୁରୀ, (ନାଗରାଜ ନ୍ୟୁଜ): ସ୍ଥାନୀୟ ଅର୍ଣ୍ଣପୁର୍ଣ୍ଣା ରଙ୍ଗମଞ୍ଚରେ ତିନି ଦିନ ଧରି ମାୟାପୁରୀ ମହୋତ୍ସବ ପାଳିତ ହୋଇଯାଇଛି । ଏହି ଉତ୍ସବରେ ବଙ୍ଗୀୟ କଳାକାରମାନେ ଭାଗ ନେଇଥିଲେ । ସେମାନଙ୍କର ନୃତ୍ୟ ପରିବେଷଣ ଦର୍ଶକଙ୍କୁ ଖୁବ ଆନନ୍ଦିତ କରିଥିଲା । କଳାକାରମାନଙ୍କର ନୃତ୍ୟ ପରିବେଷଣ ମନମୁଗ୍ଧକର ହୋଇଥିଲା । ଏହି ଅବସରରେ ରବୀନ୍ଦ୍ର ଭାରତୀ, ବିଶ୍ୱ ଭାରତୀ ଶାନ୍ତି କେତନ, ଇନ୍ଦିରାଗାନ୍ଧୀ ଓ ସଂଗୀତ କଳା ମହାବିଦ୍ୟାଳୟର ଛାତ୍ରଛାତ୍ରୀମାନେ ଓଡିଶୀ ସମେତ ଭାରତ ନାଟ୍ୟମ, ମଣିପୁରୀ ଓ କୁଚିପୁଡ଼ି ନୃତ୍ୟ ଭେଟି ଦେଇଥିଲେ । କୋଲକାତା ଏବଂ ଓଡିଶା ସରକାରଙ୍କ ସଂସ୍କୃତି ବିଭାଗର ମିଳିତ ସହଯୋଗରେ ଏହି କାର୍ଯ୍ୟକ୍ରମ ଆୟୋଜନ କରାଯାଇଥିଲା ।