କଟକ: କଟକ ଚୌଦ୍ୱାରରେ ଉଦଘାଟିତ ହେଲା ରାଜ୍ୟର ପ୍ରଥମ ରେଶମ ସୂତା ଉତ୍ପାଦନ କେନ୍ଦ୍ର । ରାଜ୍ୟ ଓ ଦେଶ ର ଆର୍ଥିକ ପ୍ରଗତିକୁ ଆହୁରି ମଜଭୁତ କରିବା ପାଇଁ ଅଣୁ ଲଘୁ ଓ ମଧ୍ୟମ ଶିଳ୍ପ ମନ୍ତ୍ରଳାୟ ଅନ୍ତର୍ଗତ ଖଦି ଓ ଗ୍ରାମ୍ୟ ଉଦ୍ୟୋଗ ଆୟୋଗ ଅଧକ୍ଷ ଭିନୟ ସକସେନା ଆଜି ଏହି କେନ୍ଦ୍ରକୁ ଉଦଘାଟିତ କରିଛନ୍ତି ।
ସୂଚନା ଅନୁଯାୟୀ ଆୟୋଗର ୬୬ ଗୋଟି ପଞ୍ଜିକୃତ କେନ୍ଦ୍ର ରହିଥିଲା ବେଳେ ୪୪ଟି ଖଦି ଅନୁଷ୍ଠାନ କଟକ ରେ ରହିଛି । ତେବେ ଓଡ଼ିଶାର ରେଶମ ଲୁଗାର ଚାହିଦା ସାରା ବିଶ୍ୱରେ ରହିଥିବାରୁ ଏହି ନୂତନ କାରଖାନାର ଉତ୍ପାଦ ରାଜ୍ୟ ତଥା ରାଜ୍ୟ ବାହାରର ରେଶମ ଲୁଗା ତିଆରି କାରଖାନାଗୁଡ଼ିକୁ ସୁତା ଯୋଗାଇବାରେ ସହାୟକ ହେବ ବୋଲି ସେ ମତବ୍ୟକ୍ତ କରିଥିଲେ ।