ବଲାଙ୍ଗୀର, (ନାଗରାଜ ନ୍ୟୁଜ): ବଲାଙ୍ଗୀର ଜିଲ୍ଲା ପାଟଣାଗଡ଼ ବଡପଡା ଠାରେ ସାର୍ବଜନୀନ ଗଜଲକ୍ଷ୍ମୀ ପୂଜା ଉତ୍ସାହ ଉଦ୍ଦୀପନା ସହ ସମ୍ପୂର୍ଣ୍ଣ ହୋଇଯାଇଛି । ଏହି ବଡପଡାରେ ୪ ବର୍ଷ ହେବ ମା’ ଗଜଲକ୍ଷ୍ମୀ ପୂଜା ପାଇ ଆସୁଛନ୍ତି । ମା’ ଗଜଲକ୍ଷ୍ମୀଙ୍କ ଷୋଡ଼ଶ ଉପଚାରର ପୂଜାର୍ଚ୍ଚନା ପୁରାଣ ଆରମ୍ଭ ହୋଇଥିଲା । ପ୍ରତ୍ୟେକ ଆଳତି ପୁଷ୍ପାଞ୍ଜଳି ପ୍ରଦାନ କରାଯାଇଥିଲା ବେଳେ ଲକ୍ଷ୍ମୀ ନୃସିଂହ ବିବାହ କାର୍ୟ୍ୟ ବେଶ ମନଲୋଭା ହୋଇଥିଲା । ଶାନ୍ତି ଶୃଙ୍ଖଳା ସହ କୋଭିଡ ନିୟମ ପାଳନ ପୂର୍ବକ ୭ ଦିନ ଧରି ଅନୁଷ୍ଠିତ ହୋଇଥିବା ପୂଜା ସୋମବାର ଦିନ ସମାପନ ହୋଇଯାଇଛି । ଏଥିରେ କର୍ତ୍ତା ଭାବେ ଯୁଗଳ କିଶୋର ରାଉତ ତାଙ୍କ ସହଧର୍ମିଣୀ ମଞ୍ଜୁଲତା ରାଉତ ରହିଥିବା ବେଳେ ମୂଖ୍ୟ ପୂଜକ ଭାବେ ପଣ୍ଡିତ ଶାନ୍ତ ମଣି ମିଶ୍ର ପୂଜାର୍ଚ୍ଚନା କରିଥିଲେ ।