ମୁମ୍ବାଇ, (ନାଗରାଜ ନ୍ୟୁଜ): ଅଭିନେତ୍ରୀ ପୂଜା ହେଗଡେଙ୍କୁ ବିମାନରେ ଦୁର୍ବ୍ୟବହାର । ଏନେଇ ଅଭିନେତ୍ରୀ ନିଜେ ସୋସିଆଲ ମିଡିଆ ମାଧ୍ୟମରେ କହିଛନ୍ତି । ବିମାନରେ ତାଙ୍କ ସହ ହୋଇଥିବା ଦୁର୍ବ୍ୟବହାରକୁ ଦର୍ଶାଇ ଅଭିନେତ୍ରୀ ବିମାନ ସେବାରେ ଅସନ୍ତୋଷ ପ୍ରକାଶ କରିଛନ୍ତି । ଏଥିସହ ଟ୍ୱିଟରରେ ତାଙ୍କ ସହିତ କଣ ଘଟିଥିଲା ସେହି ବିଷୟରେ କହିଛନ୍ତି । ଅଭିନେତ୍ରୀ ଇଣ୍ଡିଗୋ ଏୟାରାଇନ୍ କଥା କହିଛନ୍ତି । ସେ କହିଛନ୍ତିଯେ, ‘ଇଣ୍ଡିଗୋ ଏୟାରଲାଇନ୍ସର କର୍ମଚାରୀ ଭିପୁଲ ନାସାକେ ଆଜି ମୁମ୍ବାଇରୁ ବିମାନ ଉଡ଼ାଣ ବେଳେ ଆମ ସହ ଖରାପ ବ୍ୟବହାର କରିଥିଲେ । ମୁମ୍ବାଇରୁ ବିମାନ ଉଡ଼ାଣ ବେଳେ କିଛି କାରଣ ନଥାଇ ଆମ ସହ ଖରାପ ବ୍ୟବହାର କରିଥିଲେ।’ ଆମ ସହିତ ଏକ ଅହଂକାରୀ, ଅଜ୍ଞାନ ଏବଂ ଧମକପୂର୍ଣ୍ଣ ସ୍ୱରରେ କଥା ହୋଇଥିଲେ । ପୂଜା ହେଗଡେଙ୍କ ଏହି ଟ୍ୱିଟ୍ କରିବା ପରେ ବିମାନ ସେବା ତରଫରୁ ତୁରନ୍ତ ପ୍ରତିକ୍ରିୟାରେ କ୍ଷମା ମାଗିଛନ୍ତି । କହିଛନ୍ତି ଏହି ପ୍ରକାରର ବ୍ୟବହାର ପାଇଁ କ୍ଷମା ମାଗୁଛି ।