ଭୂବନେଶ୍ବର: ଅଗଷ୍ଟ ୨୮ ତାରିଖ ସୁଦ୍ଧା ଦଶମ ଅଫଲାଇନ ଫଳାଫଳ ପ୍ରକାଶ ପାଇବ । ମାଟ୍ରିକ ପରୀକ୍ଷାର୍ଥୀଙ୍କ ଗ୍ରେଡ୍ ସ୍ଥିର ହୋଇଥିବା ବେଳେ ଏ୧ ଓ ଏ୨ ଗ୍ରେଡ୍ ପାଇଥିବା ପିଲାଙ୍କ ମାର୍କକୁ ପୁଣି ଥରେ ଯାଞ୍ଚ କରାଯାଉଛି । ଆସନ୍ତା ୨୨ ତାରିଖ ମଧ୍ୟରେ ଏ୧ ପାଇଥିବା ପିଲାଙ୍କ ତାଲିକା ଚୂଡାନ୍ତ ହୋଇଯିବ । ସେହିପରି ଆସନ୍ତା ୨୮ ତାରିଖ ମଧ୍ୟରେ ଫଳ ପ୍ରକାଶ କରାଯିବ ବୋଲି ସୂଚନା ମିଳିଛି ।
ଏଥିରୁ ମାଟ୍ରିକରେ ଅସନ୍ତୁଷ୍ଟ ଛାତ୍ରଛାତ୍ରୀ ଓ ପତ୍ରବିନିମୟରେ ୬୫୯୭ ଜଣ, ମୁକ୍ତ ବିଦ୍ୟାଳୟ ସାର୍ଟିଫିକେଟ୍ ପରୀକ୍ଷାରେ ୮୪୯୩ ଜଣ ଏବଂ ମଧ୍ୟମା ପାଇଁ ୬୧ ଛାତ୍ରଛାତ୍ରୀ ଫର୍ମ ପୂରଣ କରିଥିଲେ । ଅଫଲାଇନ ମାଟ୍ରିକ ପରୀକ୍ଷାରେ ଏଚଏସସି, ରାଜ୍ୟ ମୁକ୍ତବିଦ୍ୟାଳୟ ସାର୍ଟିଫିକେଟ୍ ଓ ମଧ୍ୟମାରେ ୧୫ ହଜାର ୧୫୧ ଛାତ୍ରଛାତ୍ରୀ ଫର୍ମ ପୂରଣ କରିଥିଲେ ।
ଏଥିପାଇଁ ମାଧ୍ୟମିକ ଶିକ୍ଷା ପରିଷଦ ଜୋରଜାର ଉଦ୍ୟମ ଚଳାଇଛି । ଏଥି ମଧ୍ୟରେ ଉଭୟ ସବଜେକ୍ଟିଭ୍ ଓ ଅବଜେକ୍ଟିଭ୍ ଉତ୍ତରଫର୍ଦ୍ଦର ମୂଲ୍ୟାୟନ ସମ୍ପୂର୍ଣ୍ଣ ହୋଇଥିବା ବେଳେ ଏବେ ମାର୍କ ପ୍ରକ୍ରିୟାକରଣ ଚାଲିଛି ।